Respýblikalyq Biz Birgemiz onlain-forýmy barysynda COVID-19-ben kúreste erekshe belsendilik tanytqan dárigerler, politsiia qyzmetkerleri, volonterler men jýrnalister marapattaldy, dep habarlaidy "Ult aqparat".
Memleket basshysy Qasym-Jomart Toqaev respýblikalyq Biz Birgemiz aktsiiasyna qatysqan volonterlerdiń COVID-19 taralýyna qarsy kúreske qosqan zor úlesterin atap ótti. Elbasynyń jáne jeke óziniń atynan alǵysyn bildirdi.
Almaty ákimi Baqytjan Saǵyntaevtyń aitýynsha, tótenshe jaǵdai rejimi kezinde barsha qazaqstandyqtardyń kómegi aitarlyqtai mańyzdy boldy.
«Únemi qoldaý men kómek berýge daiyn turatyn almatylyqtar alǵashqy kúnnen-aq qoǵamdyq jumystarǵa belsene kirisip ketti. Olardyń árqaisysynyń jáne myńdaǵan qala turǵyndarynyń ortaq iske qosqan úlesterine baǵa jetpeidi», - dedi qala ákimi.
B. Saǵyntaev óziniń sózinde TJ rejimi kezinde júgizilgen pármendi sharalardyń koronavirýstyń jappai taralýyna tosqaýyl bolǵanyn aitty. Qala turǵyndarynyń berilgen usynystardy der kezinde qabyldap, ózderin oqshaýlaǵandary arqasynda jaǵdai túzeldi.
«Árine, qala turǵyndarynyń tabiǵat aiasynda kezdesip, ózara syrlasýdy, kósheler men skverlerde serýendeýdi saǵynyp qalǵandaryn jaqsy túsinemin. Óitkeni, bul- ómir. Biraq, kózge kórinbeitin jaý – pandemiia bizdiń ómirimizge túzetýler men ózgerister engizýde. Sondyqtan men almatylyqtardy sanitarlyq-epidemiologiialyq qyzmettiń barlyq talaptaryn múltiksiz oryndýǵa shaqyramyn. Ol barynsha qarapaiym, iaǵni ózimizdi, jaqyndarymyzdy, dostarymyzdy, áriptesterimizdi, tipti ainalamyzdaǵylardy indetti juqtyrý qaýpinen saqtaiyq jáne barynsha abai bolaiyq», - dedi Baqytjan Saǵyntaev.
Almaty ákimi koronavirýspen kúreste aldyńǵy shepte bolyp, indettiń soqqysyna qarsy tura bilgen medikterdiń, politsiia qyzmetkerleriniń jumystaryn atap ótti.
Ol osy ortaq iske óz úlesterin qosyp, qalalyqtarǵa qoldaý bildirgen metsenattarǵa, sonymen qatar muqtaj jandarǵa azyq-túlik ónimderin jetkizgen volonterlerge alǵysyn bildirdi.
Indetke qarsy kúreste erekshe kózge túskender «Halyq alǵysy» medalimen jáne Elbasynyń Alǵys hattarymen marapattaldy. Olardyń arasynda Olimpiada chempiony, Qazaqstannyń Eńbek Eri, KSRO-nyń eńbek sińirgen sport sheberi Jaqsylyq Úshkempirov, Bostandyq aýdanynyń ÓQ MPS bóliminiń bastyǵy Jandos Tasmanov, dáriger-infektsionist Tamara Ýtaganova, metsenat Mihail Lomtadze, Ómirjan Ábilqasymov, «Qazaqstannyń meditsinalyq jastary» RQB jetekshisi Jánibek Soltanai, QBTÝ janyndaǵy Qazaqstan teńiz akademiiasynyń stýdenti Diana Toqtarqyzy, «Almaty aqshamy» gazetiniń tilshisi Ásel Daǵjan bar.
Sondai-aq, «Qazaqstan Eriktiler ligasy» QQ-nyń Almaty qalasy boiynsha jetekshisi Baǵdat Anarbaeva, Jas Otan MK Almaty qalalyq filialynyń belsendileri Bibinur Sherbaeva, Medet Bekbergenov, Jandos Tálipov, Ásem Taimuratova, kásipker Bahit Gasanov ta bar.
