Jábirlenýshi usynǵan sýret
Almaty turǵyny burynǵy jigiti uryp-soǵyp, ańdyp júrgenin aityp shaǵymdandy. Onyń aitýynsha, ol arnaiy qyzmette jumys istegen, - dep habarlaidy Massaget.kz portaly.
"Meni burynǵy jigitim urdy, aryz jazdym, sosyn ákemdi uryp ketti, ózi joǵaryda otyrǵan aǵalarynyń tasasynda júr, bul qyzmetker týraly bári bilsin, bul birinshi ret uryp-soǵýy emes, meni jii qorqytyp-úrkitedi, kómektesýdi suraimyn", - dep jazdy Toǵjan.
Qyz oqiǵanyń mán-jaiyn aityp berdi. Onyń aitýynsha, ol burynǵy ǵashyǵymen jarty jyl kezdesken. Ol 2023 jyldyń qańtarynan bastap júieli túrde uryp-soqqanyn aitady.
"Ol meni búginge deiin jeti ret urdy, sodan keiin onymen ajyrasyp kettik, ol meni maniak siiaqty ańdi bastady, jolda ustap alyp, uryp-soǵady, jumysqa jáne úige keledi, baryq jerim kógergen, isigen, qan, buǵan deiin men odan qorqyp, politsiiaǵa barǵan joqpyn. 16 maýsymda saǵat 22:30 Sain-Asqarov avtoturaǵynda meni taǵy urdy. Ol meniń betimnen uryp, aiaǵymnan tepti, budan tipti butyma jiberip qoidym, sodan keiin meni páterge apardy, sol jerde taǵy urdy jáne meni óz erkimnen tys zańsyz ustady, eki saǵat boiy jibermedi. Men óz ómirim úshin qorqamyn!", - dep jazdy jábirlenýshi.
Sýretti jábirlenýshi qyz usynǵan
Qyzdyń aitýynsha, burynǵy jigiti 18 maýsymda ákesin qan-josa qylyp uryp-soqqan.
"Ol únemi óz ókiletin paidalanady, aǵalary - general jáne sýdia, joǵary laýazymdy adamdarmen bárin sheshemin dep qorqytady. Ol meni turǵan jerim boiynsha taýyp alady, habarlamalarymdy oqidy, júrgen jerimnen ustap alady", - deidi Toǵjan.
Kezekti uryp-soǵý oqiǵasynan keiin qyz politsiiaǵa aryz jazǵan.
Qyzdy soqqyǵa jyǵý isi Almaty qalasynyń ákimshilik sotynda QR ÁQBtK-niń 73-1 baby "Densaýlyqqa qasaqana jeńil ziian keltirý" boiynsha qaralǵany belgili boldy. 3 shildede Almaty qalasynyń Ákimshilik quqyq buzýshylyq ister jónindegi mamandandyrylǵan aýdanaralyq sotynyń qaýlysy boiynsha, qyzdyń ýaqytsha eńbekke jaramsyz bolýyna ákelip soqqan jeńil dene jaraqatyn keltirgen er adamǵa 15 AEK (51 750 teńge) kóleminde aiyppul salynǵan.
