video kadry
Almaty qalasy tótenshe jaǵdailar departamentiniń qyzmetkeri basshylyǵyn synǵa alyp, videoúndeý jasady, - dep habarlaidy Tengrinews.kz saity.
Áleýmettik jelide azamattyq qorǵaý qyzmetkeriniń formasyn kigen adam ózin Almaty qalasy Tótenshe jaǵdailar departamenti órt sóndirý jáne avariialyq-qutqarý jumystary qyzmetiniń júrgizýshisi Arman Ómirbaevpyn dep tanystyrǵan video tarap jatyr. Ol jaqynda Medeýdegi órtti sóndirý kezinde áriptesi quzyrly organdardyń biliksizdiginen qaza tapqanyn málimdedi.
Osydan keiin Almaty qalasynyń Tótenshe jaǵdailar departamenti úndeý avtoryn qabyldady. TJD qyzmetkeriniń ótinishi boiynsha kezdesýge bloger Janar Qusaiynova da qatysqan.
"Qyzmetker áleýmettik jeli arqyly garnizon jumysyn uiymdastyrý týraly óz pikirin ashyq aitty, biraq komissiia qabyldaýynda naqty dálelder men derekter keltire almady.
Áńgimelesý qorytyndysy boiynsha tolyq, jan-jaqty jáne obektiv tekserý maqsatynda atalǵan ótinishke túrtki bolǵan sebepter men derekterdi anyqtaý boiynsha naqty tapsyrmalar beriledi", - dep túsindirdi TJD ókilderi.
Keiin áleýmettik jelilerde Ómirbaevtyń taǵy bir videosy paida boldy. Onda TJD qyzmetkeri óz málimdemesinde qobaljyǵanyn aityp, aitqan sózi úshin keshirim surady.
