Foto ©️ Tengrinews.kz / Álihan Sariev
Almaty prokýratýrasy hosteldegi órtke qatysty tergeýdiń barysy týraly habarlady, - dep habarlaidy «Ult aqparat» Tengrinews.kzke silteme jasap.
Eske salaiyq, 2023 jyldyń 30 qarashasynda Almaty Hostel-de órt shyqty. Saldarynan 13 adam qaza tapty.
Sol kúni bul derek Qazaqstan Respýblikasy Qylmystyq kodeksiniń 292-baby 3-bóliginde kózdelgen qylmystyq quqyqbuzýshylyq belgileri boiynsha sotaldy tergep-tekserýdiń biryńǵai tizilimine tirkelgen.
"Atalǵan qylmystyq quqyqbuzýshylyqty jasady degen kúdikpen jalǵa alýshy qamaýǵa alynyp, oǵan qatysty qamaýǵa alý túrindegi bultartpaý sharasy tańdaldy. Qazirgi ýaqytta Almaty prokýratýrasynyń vedomstvoaralyq tergeý-jedel toby istiń barlyq mán-jaiyn tolyq, jan-jaqty jáne obektiv zertteýdi qamtamasyz etýge baǵyttalǵan sotaldy tergeý amaldaryn júrgizip jatyr. Tergeý qorytyndysy boiynsha zańdy protsessýaldyq sheshim qabyldanady", - delingen qala prokýrorynyń orynbasary Jandos Ábdibaevtyń qoly qoiylǵan Almaty prokýratýra málimetinde.
Sotaldy tergep-tekserý barysynda qaza tapqan 13 adamnyń jeke basy anyqtalyp, olardyń denesi týystaryna berildi.
