Almatylyq dárigerler áieldiń ishinen salmaǵy 7,5 keli ehinokokk kistasyn alyp tastady, dep habarlaidy QazAqparat tilshisi.
№7 qalalyq klinikalyq aýrýhanasynyń hirýrg dárigeri Musa Sahipovtyń aitýynsha, naýqas Almaty oblysynan kelgen.
«Patsientte aýyrsyný, ózin jáisiz seziný siiaqty eshqandai belgi bolmaǵan. Tek sońǵy jyldary 3-4 keli salmaq qosqan. Qazan aiynyń basynda allergiiaǵa ushyraidy. Sóitip, ol kisi turǵylyqty jeri boiynsha terapevt dárigerine qaralady. Ýzi jasatady, sol ýaqytta baýyrynda ehinokokk bar ekeni anyqtalady», - deidi dáriger.
Áieldiń ishindegi úlken ehinokokk kistasyn almatylyq dárigerler alyp tastady.
«Operatsiiany 26 qazan kúni jasadyq. Mundai ehinokokk óte sirek kezdesedi. Áieldiń ish qurylysyn túgel alyp jatyr. Onyń jarylyp ketý qaýpi óte joǵary boldy. Operatsiia kezinde baýyrdan 500 ml qan joǵalttyq. Bir doza qan quidyq. Operatsiia kúrdeli bolǵandyqtan, toǵyz saǵatqa sozyldy», - deidi №2 hirýrgiia bólimshesiniń meńgerýshisi Musa Sahipov.
Naýqas eki kún jansaqtaý bóliminde jatty, qazir bólimshege aýysty. Ómirine qaýip joq.
