الماتىلىق دەرٸگەرلەر ەيەلدٸڭ ٸشٸنەن سالماعى 7,5 كەلٸ ەحينوكوكك كيستاسىن الىپ تاستادى, دەپ حابارلايدى قازاقپارات تٸلشٸسٸ.
№7 قالالىق كلينيكالىق اۋرۋحاناسىنىڭ حيرۋرگ دەرٸگەرٸ مۇسا ساحيپوۆتىڭ ايتۋىنشا, ناۋقاس الماتى وبلىسىنان كەلگەن.
«پاتسيەنتتە اۋىرسىنۋ, ٶزٸن جەيسٸز سەزٸنۋ سيياقتى ەشقانداي بەلگٸ بولماعان. تەك سوڭعى جىلدارى 3-4 كەلٸ سالماق قوسقان. قازان ايىنىڭ باسىندا اللەرگيياعا ۇشىرايدى. سٶيتٸپ, ول كٸسٸ تۇرعىلىقتى جەرٸ بويىنشا تەراپەۆت دەرٸگەرٸنە قارالادى. ۋزي جاساتادى, سول ۋاقىتتا باۋىرىندا ەحينوكوكك بار ەكەنٸ انىقتالادى», - دەيدٸ دەرٸگەر.
ەيەلدٸڭ ٸشٸندەگٸ ٷلكەن ەحينوكوكك كيستاسىن الماتىلىق دەرٸگەرلەر الىپ تاستادى.
«وپەراتسييانى 26 قازان كٷنٸ جاسادىق. مۇنداي ەحينوكوكك ٶتە سيرەك كەزدەسەدٸ. ەيەلدٸڭ ٸش قۇرىلىسىن تٷگەل الىپ جاتىر. ونىڭ جارىلىپ كەتۋ قاۋپٸ ٶتە جوعارى بولدى. وپەراتسييا كەزٸندە باۋىردان 500 مل قان جوعالتتىق. بٸر دوزا قان قۇيدىق. وپەراتسييا كٷردەلٸ بولعاندىقتان, توعىز ساعاتقا سوزىلدى», - دەيدٸ №2 حيرۋرگييا بٶلٸمشەسٸنٸڭ مەڭگەرۋشٸسٸ مۇسا ساحيپوۆ.
ناۋقاس ەكٸ كٷن جانساقتاۋ بٶلٸمٸندە جاتتى, قازٸر بٶلٸمشەگە اۋىستى. ٶمٸرٸنە قاۋٸپ جوق.
