Almatylyq belsendiler «Aryspen birgemiz», aktsiiasyn bastady. Maqsat - Arystaǵy jarylystan zardap shekkenderge kómektesý, dep habarlaidy "Ult aqparat".
«Qurmetti Almatylyqtar!
Sizderdi Arystaǵy tótenshe jaǵdaiǵa bailanysty gýmanitarlyq kómek kórsetýge shaqyramyz! Birinshi kezekti qajetti dúnieler: gigienalyq zattar, kespe ónimderi, konserviler, balalarǵa arnalǵan kiimder, jamylǵy men kórpe. Jinaý pýnktiniń meken-jaiy: Abylaihan kóshesi 79. Myna telefon nómirine 8-7471293969 habarlasýǵa bolady», - dep jazylǵan WhatsApp jelisi arqyly taralǵan habarlamada.
Esterińizge salaiyq, búgin tańerteń Arys qalasyndaǵy áskeri bólimniń qoimasynda jarylys boldy. Oqiǵa ornyna jeke quramnyń 52 adamy, Túrkistan oblystyq TJD-niń 12 órt sóndirý tehnikasy jumyldyryldy. Sondai-aq, Shymkent qalasynan 23 maman, 4 tehnika jáne kinologtar tartyldy. Qazirgi ýaqytta órt sóndirý men evakýatsiialyq jumystar áli de jalǵasyp jatyr. Sonymen qatar zardap shekkender anyqtalýda. Arnaiy jumys toby quryldy.
