Foto: Polisia.kz
Almatylyq azamat týystarynyń úiinde esirtki zerthanasyn uiymdastyrǵan, – dep habarlaidy "Ult aqparat" Polisia.kz saityna silteme jasap.
26 jastaǵy er adam ózim turamyn degen jeleýmen aǵasynyń úiin jalǵa alyp, sintetikalyq zatty shyǵaratyn esirtki zerthanasyn uiymdastyrǵan.
"Patrýldik politsiia ekipajy esirtki satýshyny anyqtady jáne ustady. 26 jastaǵy D. esimdi azamat esirtki betbelgisin qoiý kezinde tártip saqshylarynyń nazaryna ilikti. Jedel tergeý tobynyń tintýi kezinde onyń sómkesinen salmaǵy 1,5 kelige jýyq “mefedron” esirtkisi tabyldy. Kúdikti esirtkini zerthanada ózi daiyndaitynyn moiyndady.
D. esimdi azamattyń betbelgilerdi de ózi qoiatyndyǵy belgili boldy. Kúdiktige osy jumysy úshin “jumys berýshi” kólemdi syiaqy ýáde etken. Kriptovaliýtamen tólegen.
Dál osy zerthanada shyny kolbalar, magnittik aralastyrǵyshtar, elektrondy tarazylar, polietilen kanistrler, shyny jáne plastmassa tabaqtar, keptirgishter, qurǵaq untaqtar jáne basqa da jabdyqtar tabylyp, tárkilendi. Tárkilengen esirtkiniń jalpy salmaǵy 2 keliden asady", – deidi Almaty qalalyq politsiia departamenti bastyǵynyń orynbasary Didar Ahanov.
Kúdikti qamaýǵa alyndy.
"Esirtki biznesiniń yqtimal sybailastary anyqtalyp jatyr.
QR QK-niń 201 babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady" - delingen habarlamada.
