Almaty turǵyny áleýmettik jelide er adamdy qorlaityn post jariialaǵany úshin sottaldy. Sot videony jala jabý, al ondaǵy aitylǵan aqparatty jábirlenýshiniń ar-namysy men qadir-qasietine nuqsan keltirý dep tanydy. Bul týraly "Ult aqparat" Stan.kz aqparat agenttigine silteme jasap habarlaidy.
2023 jyldyń qarashasynda K. balasyna mysyq alý úshin habarlandyrýlardy izdegen. Sosyn jarnamany jariialaǵan Hakimovamen sóilesken.
"Biraz ýaqyttan keiin er adamǵa beitanys áiel telefon soǵyp, áleýmettik jelide ol týraly aqparat jariialanǵanyn aitty. 2023 jyldyń 11 qarashasynda A.Hakimova áleýmettik jelide azamat K-nyń sýretimen post jariialaǵan", – delingen qujatta.
Postty er adamnyń otbasy men balalary da kórgen. Oqýshylar kúizeliske túsip, tipti mektepke barǵysy da kelmepti. Osydan keiin jábirlenýshi politsiiaǵa aryz jazǵan.
"Hakimova óz kinásin ishinara moiyndap, postty qatelesip jariialap, keiin birden óshirip tastaǵanyn túsindirdi. Alaida er adam posttyń birden óshirilmegenin, uzaq kóndirgenin aitty. Ol áielmen tatýlaspaitynyn aitty", – dep málimdedi Almaty qalalyq soty.
Psihologiialyq-filologiialyq zertteý postta adresatqa qatysty jaǵymsyz aqparat bar ekenin málimdedi.
"Hakimova basqa adamnyń ar-namysy men qadir-qasietine nuqsan keltiretin nemese bedeline nuqsan keltiretin kórineý jalǵan málimetterdi jariia túrde taratqany úshin kináli dep tanylyp, oǵan 180 AEK iaǵni 664 560 teńge ákimshilik aiyppul salý túrindegi jaza taǵaiyndaldy", – dep habarlady sottyń baspasóz qyzmeti.
Sot quqyqbuzýshynyń jeke basyn jáne jaýaptylyqty jeńildetetin mán-jailardy eskere otyryp, aiyppul somasyn 30% azaityp, sońynda 465 192 teńge aiyppul salýdy durys dep tapty.
Almaty qalalyq sotynyń qaýlysymen birinshi satydaǵy sottyń sot aktisi zańdylyǵy men negizdiligine bailanysty ózgerissiz qaldyryldy.
Sondai-aq sottyń baspasóz qyzmeti 11 sáýir men 23 mamyrda Hakimova isti qaita qaraý týraly ótinishter joldaǵanyn, biraq Joǵarǵy sot buǵan negiz kórmegenin aitty.
