Almatydaǵy meiramhananyń aldyna kelip, áldeqandai joralǵy jasaǵan áieldiń áreketi Jeli qoldanýshylaryn oilandyryp tastady, - dep habarlaidy kaz.tengrinews.kz tilshisi. "VKontakte" jelisindegi "Ia ochevidets Almaty" paraqshasynda bir áieldiń sypyrǵy men qaǵaz alyp, dýa jasaǵandai bolǵany kórinedi.
Oqiǵa 26 mamyrda "Ý Afanasicha" meiramhanasynyń avtoturaǵynda bolǵan. Shamamen tańǵy saǵat 6.40-ta mekeme aldyna aq tústi Lexus kóligi kelip toqtaidy. Odan qolyna sypyrǵy men qaǵaz ustaǵan áiel shyǵady. Ol meiramhanaǵa jaqyndap kelip, ainalasyn sypyrǵandai bolady. Osy áreketi barysynda áiel qaǵazǵa qaraidy.
Rolik avtory áiel mekeme qojaiyndaryn osyndai jolmen dýalaǵysy keldi dep esepteidi. Oǵan Jeli qoldanýshylary da qosyldy. Keibireýler bolsa áieldiń aqyl-esi durys emes dep te boljady.
Al meiramhana ókilderi bul oqiǵadan habary bar ekenin aitady. Mekeme menedjeri basqa videobaqylaý kamerasyna kóliktiń memlekettik tirkeý nómiri túsip qalǵanyn jáne politsiiaǵa habar bergenin aitty.
"Bizdiń kúzettegiler bastapqyda ne bolyp jatqanyn túsinbedi. Amal ne, olar shyǵyp úlgergenshe áiel ketip qalyp, ne istep turǵanyn bile almadyq. Bul áreketti túsindire almaimyn. Bul bizdiń qyzmetimizge kóńili tolmaǵan klient dep eseptemeimin. Qyzmetkerlerimiz mundai adam bizdiń mekemege kelmegen deidi. Menińshe, bul áiel dýaǵa senetin básekelesterimiz", - dedi menedjer.
