Almatylyq atqysh Igor Dýjnovty qamaýǵa alý merzimi uzartyldy, - dep habarlaidy Tengrinews.kz tilshisi qalalyq sotqa silteme jasap.
Baspasóz qyzmetiniń málimetinshe, buǵan deiin prokýratýra Dýjnovty ustaý merzimin 20 jeltoqsanǵa deiin uzartý týraly ótinish bildirgen.
"12 qarashada prokýratýranyń ótinishi tergeý sotynyń qaýlysymen qanaǵattandyryldy. Igor Dýjnovqa qatysty kúzetpen ustaý merzimin úsh aiǵa deiin, iaǵni 2021 jylǵy 20 jeltoqsanǵa deiin uzartýǵa sanktsiia berildi", - dep habarlady Almaty qalalyq sotynda.
Buǵan deiin Sybailas jemqorlyqqa qarsy qyzmettiń almatylyq atqysh Igor Dýjnovtyń beti kógergen degen aqparatqa qatysty sotaldy tergeýdi bastaǵany habarlandy. Bul aqparatty Almaty prokýratýrasy rastady.
Aita keteiik, oqiǵa 20 qyrkúiekte keshke bolǵan, shamamen saǵat 17.20 shamasynda Aqbulaq móltekaýdanyndaǵy úi iesiniń biri ańshy myltyǵynan oq atqan. Kýágerlerdiń aitýynsha, atys bir minýt ishinde bolǵan.
Almatylyq atqysh bes adamdy óltirdi. Qaza bolǵandar arasynda eki politsiia qyzmetkeri, sot oryndaýshysy, sondai-aq, úidiń jańa iesi men kýáger bar. Almaty qalasynyń ákimi Baqytjan Saǵyntaev qaza tapqandardyń týystaryna kóńil aitty.
Keiin politseiler bes adamdy atyp óltirgen kúdiktini ustady. Bul sátti kýágerler videoǵa túsirip alǵan. Ol - 1997 jyldan beri osy jerde turatyn 54 jastaǵy úidiń qazirgi iesi. Eger onyń kinási dáleldense, er adam 20 jylǵa nemene ómir boiyna bas bostandyǵynan aiyrylýy múmkin.
Úige qatysty daý nesie tólemegendikten týyndaǵany belgili boldy. Úi bankke kepilge alynǵan. Keiin úi bank menshigine ótip, odan keiin jeke adamǵa satylǵan. Jeke sot oryndaýshylar palatasy boryshkerge úidi bosatý keregin 2020 jyldan beri birneshe ret habarlanǵany anyqtaldy.
