Foto: Tengrinews.kz/Álihan Sariev
Almatylyq atqysh Igor Dýjnovtyń qamaýǵa alý merzimi taǵy bir aiǵa uzartyldy, - dep habarlaidy Tengrinews.kz tilshisi.
Almaty qalalyq sotynyń málimetnishe, Dýjnov kem degende 20 aqpanǵa deiin qamaýda bolady.
"19 qańtarda tergeý soty Igor Dýjnovty qamaýda ustaý merzimin taǵy bir aiǵa, iaǵni 20 aqpanǵa deiin uzartý týraly ótinishti qanaǵattandyrdy", - dedi Almaty qalalyq sotynyń resmi ókili Abai Jarylqasyn.
Esterińizge sala keteiik, oqiǵa 20 qyrkúiekte keshke bolǵan, shamamen saǵat 17.20 shamasynda Aqbulaq móltek aýdanyndaǵy úi iesiniń biri ańshy myltyǵynan oq atqan. Kýágerlerdiń aitýynsha, atys bir minýt ishinde bolǵan.
Almatylyq atqysh bes adamdy óltirdi. Qaza bolǵandar arasynda eki politsiia qyzmetkeri, sot oryndaýshysy, sondai-aq úidiń jańa iesi men kýáger bar. Almaty qalasynyń ákimi Baqytjan Saǵyntaev qaza tapqandardyń týystaryna kóńil aitty.
Keiin politseiler bes adamdy atyp óltirgen kúdiktini ustady. Bul sátti kýágerler videoǵa túsirip alǵan. Ol - 1997 jyldan beri osy jerde turatyn 54 jastaǵy úidiń qazirgi iesi. Eger onyń kinási dáleldense, er adam 20 jylǵa bas bostandyǵynan aiyrylýy múmkin.
Keiin úige qatysty daý nesie tólemegendikten týyndaǵany belgili boldy. Úi bankke kepilge alynǵan. Keiin úi bank menshigine ótip, odan keiin jeke adamǵa satylǵan. Jeke sot oryndaýshylar palatasy boryshkerge úidi bosatý keregin 2020 jyldan beri birneshe ret habarlanǵany aityldy.
