Taýda joǵalǵan alpinisterdiń spýtniktik telefony óship tur, bailanys operatorlary qońyraý shalynǵan jerdi anyqtai almai otyr, dep habarlaidy QazAqparat.
Bul týraly Almaty qalalyq Tótenshe jaǵdailar departamentiniń qyzmetkerleri málimdedi.
«Bizdiń tótenshe jaǵdailar bólimi joǵalǵan alpinisterdi qutqarý jumystaryna tikelei qatyspaidy, biraq joǵalǵandar Almaty turǵyndary bolǵandyqtan, suraqtaryńyz bizge keledi. BAQ-ta bul oqiǵaǵa qatysty barlyq jańalyqtar aitylyp jatyr. Biz esh jerde aitylmaǵan aqparatpen bóliseiik. Alpinisterde «Týraia» spýtniktik telefony bar, ol sońǵy ret 15 tamyzda bailanysqa shyqqan. Bailanys operatorlary qońyraý túsken jerdi áli anyqtai almady. Qurylǵynyń óship turǵany belgili boldy, múmkin qýatty taýsylǵan bolar. Mundai qurylǵylar -40-tan +40 gradýsqa deiingi temperatýrada jumys isteidi», - dep habarlady Almaty qalalyq Tótenshe jaǵdailar departamentindegiler.
«Budan basqa, kez-kelgen daiyndalǵan alpinist - eriktiler qutqarý jumystaryna qatysa almaidy, jaqynda ǵana tómengi biiktikte beiimdelýden ótken adamdar qajet. Bul talaptardy jaqynda jarystan oralǵan QR QM-niń alpinister komandasy oryndaidy. Biz olardyń kásibi sheberligine jáne aviatsiia jumystary úshin aýa-raiy qolaily bolady degen úmittemiz. Qazirgi ýaqytta izdestirý-qutqarý toby oqiǵa ornyna ushyp ketti», dep atap ótti tótenshe jaǵdailar salasynyń ókilderi.
