تاۋدا جوعالعان الپينيستەردٸڭ سپۋتنيكتٸك تەلەفونى ٶشٸپ تۇر, بايلانىس وپەراتورلارى قوڭىراۋ شالىنعان جەردٸ انىقتاي الماي وتىر, دەپ حابارلايدى قازاقپارات.
بۇل تۋرالى الماتى قالالىق تٶتەنشە جاعدايلار دەپارتامەنتٸنٸڭ قىزمەتكەرلەرٸ مەلٸمدەدٸ.
«بٸزدٸڭ تٶتەنشە جاعدايلار بٶلٸمٸ جوعالعان الپينيستەردٸ قۇتقارۋ جۇمىستارىنا تٸكەلەي قاتىسپايدى, بٸراق جوعالعاندار الماتى تۇرعىندارى بولعاندىقتان, سۇراقتارىڭىز بٸزگە كەلەدٸ. باق-تا بۇل وقيعاعا قاتىستى بارلىق جاڭالىقتار ايتىلىپ جاتىر. بٸز ەش جەردە ايتىلماعان اقپاراتپەن بٶلٸسەيٸك. الپينيستەردە «تۋرايا» سپۋتنيكتٸك تەلەفونى بار, ول سوڭعى رەت 15 تامىزدا بايلانىسقا شىققان. بايلانىس وپەراتورلارى قوڭىراۋ تٷسكەن جەردٸ ەلٸ انىقتاي المادى. قۇرىلعىنىڭ ٶشٸپ تۇرعانى بەلگٸلٸ بولدى, مٷمكٸن قۋاتتى تاۋسىلعان بولار. مۇنداي قۇرىلعىلار -40-تان +40 گرادۋسقا دەيٸنگٸ تەمپەراتۋرادا جۇمىس ٸستەيدٸ», - دەپ حابارلادى الماتى قالالىق تٶتەنشە جاعدايلار دەپارتامەنتٸندەگٸلەر.
«بۇدان باسقا, كەز-كەلگەن دايىندالعان الپينيست - ەرٸكتٸلەر قۇتقارۋ جۇمىستارىنا قاتىسا المايدى, جاقىندا عانا تٶمەنگٸ بيٸكتٸكتە بەيٸمدەلۋدەن ٶتكەن ادامدار قاجەت. بۇل تالاپتاردى جاقىندا جارىستان ورالعان قر قم-نٸڭ الپينيستەر كومانداسى ورىندايدى. بٸز ولاردىڭ كەسٸبي شەبەرلٸگٸنە جەنە اۆياتسييا جۇمىستارى ٷشٸن اۋا-رايى قولايلى بولادى دەگەن ٷمٸتتەمٸز. قازٸرگٸ ۋاقىتتا ٸزدەستٸرۋ-قۇتقارۋ توبى وقيعا ورنىنا ۇشىپ كەتتٸ», دەپ اتاپ ٶتتٸ تٶتەنشە جاعدايلار سالاسىنىڭ ٶكٸلدەرٸ.
