6 jasar almatylyq Nurasyl tek aǵylshyn tilinde sóileidi. Ol orys, qazaq tilderin tolyq túsinbeidi, - dep habarlaidy Massaget.kz portaly "Eýraziia birinshi arnasyna" silteme jasap.
Telearna málimetinshe, ol álemniń túkpir-túkpirindegi adamdarmen oiyn oinaý arqyly aǵylshyn tilin úirengen.
Balanyń ata-anasy onyń muǵalimderimen qalai sóilesetinine alańdaidy. Sondai-aq, aǵylshyn tili 1-synyptan bastap oqytylmaityny týraly jańalyqqa da tańyrqaǵan. Nurasyldyń ákesi Darhan Júnisbaev birneshe organǵa balasyn aǵylshyn tildi mektepke berý týraly ótinish jazǵan. Óitkeni jeke mektepke berýge ata-anasy qarjy jaǵynan qinalady. Degenmen mardymdy jaýap almaǵan.
"Nurasyl shamamen 4 jasynda barlyq bala sekildi mýltfilm qarap, oiyn oinady", - dedi balanyń ákesi Darhan Júnisbaev.
Balanyń ata-anasy bolashaqta onyń aýdarmashy bolatynyna úmittenedi.
Jeli qoldanýshylary kishkentai búldirshinniń bul qabiletine tańdanystaryn jasyrmaǵan. Sondai-aq, pikir jazǵandardyń biriniń sózinshe, bala onyń týysy bolyp keledi ári ol óte qabiletti.
"Pikirlerge qarasaq, eresekter jaǵy qyzǵanyp otyr, kerisinshe ol jarap tur, onyń ústine kishkentai, orys, qazaq tilderin ońai úirenip alady, qabileti bar", "Ol úirenip alady! Sóitip, úsh tilde erkin sóileidi", "Allanyń árkimge bermeitin syiy bul", "Bul keremet, ol óz tilin ońai úirenedi. Ol áli bala, olar tez úirenip alady. Basqa tilderdi bilgeni keremet", - deidi pikir bildirýshiler.
