Qazaqstandyq oqýshylar Ábý-Dabide ótken djiý-djitsýdan álem birinshiliginen altyn medal alyp keldi. Olardyń jetistigine búkil Qazaqstan qýanyp jatyr. Sebebi, Anna Vodolazova men Liýbov Temnikova - tul jetim balalar.
Mekemeniń direktory Gúlmira Qondybaevanyń aitýynsha, balalar úiiniń tárbielenýshileri bos ýaqyttarynda túrli úiirmelerge qatysady.
Olardyń biri - 12 jastaǵy Anna Vodolazova, balalar úiine kishkentai kezinde baýyrymen birgen ornalastyrylǵan. Ata-anasy erterekte qaitys bolǵan.
«Ania 1 jyldan beri djiý-djitsýmen ainalysyp keledi. Osy ýaqyt aralyǵynda oblystyq, qalalyq jarystarda kóp jetistikke jetken. Bul qyzymyz BAÁ-de ótken álem chempionatynda eki qarsylasyn merziminen buryn tize búktirip, altyn medalge qol jetkizdi. Ekinshi qyzymyz Temnikova Liýbov 3-orynǵa taban tirep, qol júldege qol jetkizdi. Bul qyzymyz da balalar úiiniń tárbielenýshisi. Aǵalary bizde tárbielenip, ósip, er jetti. Ata-anasy Liýbovtyń sábi kezinde kóz jumǵan. Qapshaǵai qalasynda turǵan. Liýbov ta fýtbol, basketbol jáne taǵy basqa sport túrlerimen shuǵyldanady. Qazaq mektebine barady. Baýyrlarynyń báriniń tili qazaqsha shyqqan. Al Ania Vodolazova horeografiiamen ainalysady. Eki qyzymyzdyń da bolashaǵynan kóp úmit kútemiz», - dedi balalar úiiniń direktory Gúlmira Qondybaeva.
Anna Vodolazova chempionatqa barǵandardyń ishinde aq belbeýli jalǵyz sportshy bolǵan. Onyń qarsylastarynyń kópshiligi sur belbeýdiń iegerleri eken (sur belbeý aq belbeýden joǵary turatyn dáreje).
Ózinen oq boiy ozyq turǵan qarsylastaryn Ania op-ońai jeńgen.
Qyzdardy "SAMURAI" akademiiasynda Albert Aldiiarov baptap keledi.
