Almatyda syiymdylyǵy úlken 10 qoǵamdyq kólik 12 baǵyt boiynsha júretin bolady, dep habarlaidy "Ult aqparat".
«Almatyelektrotrans» JShS «Zhongtong» markaly jańa avtobýstardyń alǵashqy legin satyp aldy. Jaqyn kúnderi, memlekettik tirkeýden jáne synaqtan ótedi. Sodan keiin № 12 qoǵamdyq kólik jolaýshy tasymaldaýǵa shyǵady. Atap aitsaq, «Qazaqstan» qonaqúiinen (Dostyq dańǵylynyń buryshy – Qurmanǵazy kóshesi) Medeý muz aidynyn qatynaityn bolady. Avtobýs tabiǵi gazben (CNG) júredi. Qoǵamdyq kólikke aýabaptaǵysh pen beinebaqylaý ornatylǵan.
Tasymaldaýshy kompaniianyń habarlaýynsha, avtobýstar arnaiy qalalyq jolaýshylar tasymaly úshin jasalǵan.
Avtobýstyń syiymdylyǵy - 104 adam, 22 otyratyn oryn jáne qimyly shekteýli jolaýshylar úshin 3 oryn bar.
Sodai-aq, «Almatyelektrotrans» JShS áýejai men qalanyń yqshamaýdandaryn bailanystyratyn № 92 baǵyttaǵy kólikterdi jańartýdy josparlap otyr.
Buǵan deiin, Almatyda jańa №105 baǵyt boiynsha júretin avtobýs týraly habarlanǵan bolatyn.
