Almatyǵa Máskeýden ushyp kelgen jolaýshy koronavirýsty ulynan juqtyrýy múmkin. Bul týraly Almaty qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aitty, dep habarlaidy "Ult aqparat".
«Almatydaǵy tórtinshi naýqas Máskeýden ushyp kelgen Qazaqstan azamaty. Onyń aitýynsha, koronavirýsty ulynan juqtyrýy múmkin. Sebebi ol Máskeýde Italiiadan kelgen ulymen kezdesken. Al, balasy koronavirýs infektsiiasyn Italiiadan Máskeýge ákelgen tasymaldaýshylardyń biri boldy. Naýqas bul týraly bizge habarlaǵan joq. Keshe keshkisin almatylyq bir azamat bizge júgindi, odan test alyndy.Tańerteń oń nátijie kórsetkenin anyqtadyq. Birden aýrýhanaǵa jatqyzdyq. Ol áielimen turady. Áieli de oqshaýlandy. Test nátijesi shyqqan soń bári belgili bolady», - dedi Tileýhan Ábildaev.
Búgin taǵy eki qazaqstandyqtan infektsiia anyqtalǵany týraly habarlaǵan bolatynbyz. Olardyń biri - almatylyq kásipker. Ol Almatyǵa Máskeýden 10 naýryzda ushyp kelgen.
