Almaty qalasy ákimdigi janyndaǵy tótenshe jaǵdaidy qamtamasyz etý jónindegi jedel shtab 22 naýryz saǵat 00:00-de qalaǵa kirýge jáne odan shyǵýǵa tyiym salynǵan «Jasyl dálizdi» bekitti.
Atap aitqanda, shekteýler meditsinalyq jáne sanitarlyq-epidemiologiialyq qyzmet kórsetetin azamattarǵa, sondai-aq, jedel iske asyrý men kommýnaldyq sharýashylyqtyń, ritýaldyq qyzmettiń, júkterdiń kez kelgen túrlerin júk jáne tranzittik tasymaldaýlarǵa, jeke kýálik boiynsha mamandandyrylǵan inkassatorlyq kólikterge qoldanylmaidy.
Almaty qalasy ákimdigi janyndaǵy
tótenshe jaǵdai rejimin qamtamasyz etý jónindegi
jedel shtabpen bekitildi
Memlekettik organdardyń barlyǵy oryndaýǵa mindetti
JADYNAMA
Almaty qalasyna kirý jáne shyǵý júiesi boiynsha
Karantinge bailanysty, 2020 jylǵy 22 naýryz túngi saǵat 00.00-den bastap azamattar
men kólikter Almaty qalasynyń aýmaǵyna kirýine/shyǵýyna tyiym salynady.
Engizilgen shekteýler rastaityn qujattary bar mynadai tulǵalar men kólik
quraldaryna QOLDANYLMAIDY:
1) meditsinalyq kómek jáne sanitariialyq-epidemiologiialyq qyzmet, sondai-aq
meditsinalyq personaldar (dárigerler, medbikeler, sanitarlar, júrgizýshiler - Ortalyq
Derekter Bazasyna sáikes jeke kýáligi bar (budan ári – ODB);
2) azamattyq qorǵaý, órt sóndirý jáne avariialyq-qutqarý jumystary qyzmetiniń
qyzmetkerleri (ODB sáikes jeke kýáligi bar);
3) kommýnaldyq, avariialyq qyzmetterdiń qyzmetkerleri: elektrmen, gazben, sýmen
jáne jylýmen jabdyqtaý, qoqysty jinaý, sondai-aq bailanys jáne kommýnikatsiia
salasynyń qyzmetkerleri jáne olardyń kóligi (memlekettik nómirlik belgi boiynsha avtokólik
jáne ODB sáikes jeke kýáligi bar júrgizýshiler));
4) jerleý qyzmetiniń qyzmetkerleri men kóligi (qazaly sherý kezinde 20 adamnan artyq
jáne 4 kólikten artyq bolmaýy tiis);
5) júk jáne kez-kelgen júk túrlerin tasymaldaýshy tranzittik kólikter: transporttar
júk tielgen nemese bos bolýy múmkin jáne júrgizýshimen birge bir jolaýshydan artyq adam
bolmaýy kerek;
6) arnaýly inkassatorlyq transport;
7) Almaty qalasynyń PD, TJD, Prokýratýra qyzmetkerleriniń jáne Almaty qalasy
boiynsha SJQUB, UQK, MQQ, EZQ qyzmetkerleri men transporty qyzmettik kýáligin
kórsetken jaǵdaida;
8) Ulttyq gvardiianyń áskeri mamandary, QR Qarýly Kúshteri jáne Shekara qyzmetiniń
(Almaty áskeri garnizony) qyzmetkerleri qyzmettik kýáligin nemese áskeri bólim
komandiriniń qoly qoiylǵan áskeri biletin jáne tiisti qujatyn kórsetken jaǵdaida; jedel
qyzmettegi áskeriler tek arnaiy avtokólikpen;
9) Qazaqstan Respýblikasy aýmaǵyna buryn kirgen sheteldikterdiń elden shyǵýy úshin;
10) Buryn shet elge shyǵyp ketken Qazaqstan Respýblikasy azamatynyń Almaty
memlekettik áýejaiy arqyly elge qaitýy úshin;
11) erekshe jaǵdailardaǵy densaýlyq saqtaý uiymdarynyń rastaityn qujattary bar,
Almaty qalasynan emdelýge shyqqan Qazaqstan Respýblikasynyń azamattary;
12) Almaty qalasyna shuǵyl emdelýge kelgen basqa óńirlerdiń turǵyndary, erekshe
jaǵdailarda meditsinalyq mekemelerdiń rastaityn qujattary usynylǵan kezde;
13) meditsinalyq anyqtama boiynsha Almaty qalasyndaǵy meditsinalyq
ortalyqtardan em alyp shyqqan basqa aimaqtardyń turǵyndary;
14) meditsinalyq anyqtama boiynsha jas nárestesimen Almaty qalasyndaǵy
perzenthanadan shyǵarylǵan áielder;
15) elimizdiń jáne shet memleketterdiń diplomatiialyq qyzmetiniń qyzmetkerleri jáne
olardyń otbasy músheleri, sondai-aq Qazaqstannan shyǵatyn, sonymen birge Qazaqstan
Respýblikasy Syrtqy ister ministrliginiń shaqyrýy boiynsha shet memleketter men
halyqaralyq uiymdar delegatsiialarynyń músheleri;
16) poezd jáne lokomotiv brigadalarynyń músheleri, sondai-aq temirjol kóligimen
tasymaldaý protsessterine qatysatyn adamdar, áýe kemeleri ekipajdary (tiisti málimetter
bazasyndaǵy jeke kýálik boiynsha);
17) Qazaqstan Respýblikasy azamattarynyń otbasy músheleri bolyp tabylatyn shet
memleket azamattary bir ret Almatyǵa kirgende, onyń ózinde (otbasylyq qatynastar faktisi
rastalǵan jaǵdaida – jubaiy, ata-anasy jáne balalary);
18) áýe jáne temirjol tranzitimen júrgen Qazaqstan Respýblikasynyń azamattary men
shet memleket azamattary, Almaty qalasyna kirý/shyǵý kezinde rastaityn qujattar usynǵan
kezde;
19) Almaty qalasyna(n) kirip/shyqqan jaǵdaida meditsinalyq anyqtamamen
karantindik oqshaýlaýdan ótken (Jedel shtabtyń ortalyq derekter bazasyna sáikes jeke
kýáligi bar) basqa aimaqtardyń turǵyndary men shet memleketterdiń azamattary;
20) zerthanalyq qyzmetterdiń taldaý júrgizýge jáne bioqaldyqtarǵa qajet
biomaterialdardy qalaǵa jiberýine ruqsat etiledi. Tek olardy tasymaldaityn
avtomobilderdiń qalaǵa kirýine ne shyǵýyna shekteý bar.
21) Almaty qalasyna arnaiy jaǵdailarda Almaty qalasy ákimdigi janyndaǵy tótenshe jaǵdaidy qamtamasyz etý jónindegi jedel shtabtyń arnaiy ruqsatymen kelgen qalaǵa kirip-shyǵatyn adamdar.
