Almaty syrtyndaǵy blokposttarda birneshe shaqyrymǵa sozylǵan keptelister paida boldy, dep habarlaidy "Ult aqparat".
Áleýmettik jelide birneshe kúnnen beri keptelistiń fotosy men videosy tarap jatyr.
Qalalyq politsiia departamenti qalaǵa sebepsiz kirip-shyǵýdy qoia turýǵa keńes berdi.
«Bul keptelis karantin rejimi báseńsigen soń paida boldy. Kei azamattar karantin aiaqtaldy dep sanap, qalaǵa kirýge nemese shyǵýǵa talpynyp jatyr. Karantin tek jeńildedi. Blokpostan tek jedel shtab bazasynda aty-jóni tirkelgen azamattar ǵana óte alady. Ár kólikti tekserýge birshama ýaqyt ketetini belgili. Bul sharanyń barlyǵy halyqtyń qaýipsizdigi úshin jasalyp otyr», - deidi politsiia departamenti basshysynyń orynbasary Nurlan Almasbekov.
Politsiia departamenti keptelisten qashamyn dep qarama-qarsy betke shyqqan júrgizýshiler de ákimshilik jazaǵa tartylatynyn eskertti.
