Foto: pexels.com
Almaty Tourism Bureau jáne Mastercard dereginshe, sheteldik qonaqtardyń deni 26-35 jas aralyǵyndaǵy er adamdar, olar mádeni is-sharalar men ekotýrizmdi qolai kóredi. Bul týraly Almaty ákimdigi habarlady.
Týrister qalada 5 kúndei bolyp, kúnine shamamen 334 dollar jumsaidy. Al 42%-y qonaq úige jaiǵasady.
Ishki týrister negizinen 18-25 jas aralyǵyndaǵy jas jigitter. Olar kóbinese týystaryn jaǵalaidy nemese hosteldi tańdaidy. Kúnine shamamen 38 dollar jumsaidy, shaharda 2 kún júredi.
Almatyda týrizm damyp keledi: jarty jylda qalaǵa 1,07 mln adam (+10,1%) kelgen, onyń 302 myńy sheteldikter (+15,6%). Týrizm sektorynyń segiz aidaǵy salyq túsimi 39,5% ósken.
"Bul málimetter Almatynyń týristik salasynyń turaqty ósýin jáne jergilikti ári sheteldik saiahatshylardyń qyzyǵýshylyǵynyń artyp jatqanyn kórsetedi", - deidi ákimdiktegiler.
