Almatyda túni boiy qar jaýdy. Qazirgi sátte qala aýmaǵynda qardyń qalyńdyǵy 15-18 sm, al taý bókterinde 30 sm jetti, dep habarlaidy QazAqparat.
Qar jaýa bastaǵan sátten kóktaiǵaqtyń aldyn alý úshin joldarǵa, qiylystarǵa, jolaiyryqtarynyń kire beristerine muz eritetin qospalar shashyldy. Túngi saǵat 03.30-dan bastap jol politsiiasynyń patrýldik mashinalarynyń erip júrýimen qar kúreý kolonnalary jolǵa shyqty.
Tańerteńgi «qarbalas saǵatta» avtokólikti kedergisiz ótkizýdi uiymdastyrý úshin magistraldy kóshelerde jáne qalanyń joǵarǵy bóliginde úsh ret qar kúreldi.
Trotýarlardy, jaiaý júrginshiler aimaqtaryn, qoǵamdyq kólik aialdamalaryn, jalpy paidalaný oryndaryn tazalaýda mehanikalandyrylǵan jáne qolmen tazalaý jumystary kúsheitildi.
Tańǵy saǵat 08.00 jaǵdai boiynsha 330 sharshy metr shyǵaryldy.
Qardy tazalaýǵa barlyǵy 616 birlik arnaiy tehnika, 1463 jol jumysshysy jumyldyryldy, 2950 tonna kóktaiǵaqqa qarsy materialdar paidalanyldy.
Aýdandyq ákimdikterde jumys óndirisin baqylaý boiynsha táýlik boiy kezekshilik uiymdastyryldy.
Qazgidromettiń boljamynsha, qar búgin túske deiin jaýyp, tústen keiin toqtaidy. Aýa temperatýrasy 15 aqpanda kúndiz 0-3 gradýs aiaz bolady.
