Almaty politsiiasy blok beketti ainalyp ótýge ýáde bergen jeke kólik júrgizýshilerin ustady, dep habarlady Polisia.kz.
Politseiler qalanyń batys jaǵynda ornalasqan № 20 blok beketinde bes er adamdy ustady, olar azamattarǵa aqshasyn bergen jaǵdaida beketten ainalyp ótip, qalaǵa alyp ketýge ýáde bergen.
"Olar adam basyna 3 myńnan 5 myń teńgege deiin suraǵan. Er adamdar ustalyp, Qazaqstan Ákimshilik quqyq buzýshylyq týraly kodeksiniń 476-baby "Tótenshe jaǵdaidy buzý" boiynsha qylmystyq jaýapkershilikke tartyldy. Almaty qalasynyń mamandandyrylǵan aýdanaralyq ákimshilik sotynyń sheshimimen atalǵan adamdarǵa aiyppul salyndy", – dedi Naýryzbai aýdandyq politsiia basqarmasynyń basshysy Didar Ahanov.
Osyǵan bailanysty, Almaty politsiia departamenti taǵy bir ret azamattardy zańǵa baǵynýǵa jáne kedergilerden ótýdiń zańsyz joldaryn izdemeýge shaqyrdy.
"Bul áreketter paidasyz jáne nátije bermeidi. Tótenshe jaǵdai kezinde ońai aqsha tapqysy keletinderge jaýapkershilikti umytpaý qajettigin eskertemin. Mundai faktiler birden toqtatylady", – dedi Ahanov.
Densaýlyq saqtaý ministrliginiń málimetinshe, Qazaqstanda koronavirýs juqtyrǵandar sany 57 adamǵa jetti. Nur-Sultanda – 31, Almatyda – 23, Qaraǵandyda - 2, Almaty oblysynda - 1 adam.
Nur-Sultan men Almatyda karantin jariialandy. 22 naýryzdan bastap bul qalalarǵa kirip-shyǵýǵa tyiym salyndy.
