Almatydan Kókshetaýǵa 8999 teńgege ushaqpen jetýge bolady, dep habarlaidy "Ult aqparat".
Áýe reisin «FlyArystan» kompaniiasy ashyp otyr. Reisti biylǵy 12 naýryzdan bastap 180 oryndyq Airbus A320 ushaqtary oryndai bastaidy. Qatynaý aralyǵy - aptasyna 3 ret, ushý uzaqtyǵy – 2 saǵat, baǵasy – 8999 teńdegen bastalady. Biletter satýǵa shyǵaryldy.
«Kókshetaý – bul dinamikalyq túrde damyp kele jatqan óńir. Oǵan qosa, shetelde Qazaqstannyń Shveitsariiasy bolyp tanylǵan, kýrorttarǵa eń jaqyn ornalasqan qala. Býrabai, Zerendi, Shýchege Almatydan elordamyz arqyly jetý yńǵaisyz. Ýaqytty alady, kólikten-kólikke aýysyp otyrý qymbatqa shyǵady. Ońtústik astanadan Kókshe eline, al odan keiin onyń tóńireginde ornalasqan jerlerge tez jetýge múmkindik beretin tikelei reisterdiń arqasynda jihangezder jeńil ári tez ushyp bara alady. Oǵan qosa, Aqmola oblysynyń turǵyndary da týǵan-týystaryna jii qonaqtap bara alatyn bolady», - dedi «FlyArystan»-nyń satý jáne marketing bóliminiń direktory Janar Jailaýova.
Eske salaiyq, «FlyArystan» aviakompaniiasy Elbasy-Tuńǵysh Prezident Nursultan Nazarbaevtyń 2018 jyldyń qarashasyndaǵy tapsyrmasyna sáikes quryldy. Ol «Air Astana» aviakompaniiasynyń enshiles kásiporny. Baǵasy qoljetimdi kompaniia alǵashqy reisterin 2019 jyldan oryndai bastady.
