الماتىدان كٶكشەتاۋعا 8999 تەڭگەگە ۇشاقپەن جەتۋگە بولادى, دەپ حابارلايدى "ۇلت اقپارات".
ەۋە رەيسٸن «FlyArystan» كومپانيياسى اشىپ وتىر. رەيستٸ بيىلعى 12 ناۋرىزدان باستاپ 180 ورىندىق Airbus A320 ۇشاقتارى ورىنداي باستايدى. قاتىناۋ ارالىعى - اپتاسىنا 3 رەت, ۇشۋ ۇزاقتىعى – 2 ساعات, باعاسى – 8999 تەڭدەگەن باستالادى. بيلەتتەر ساتۋعا شىعارىلدى.
«كٶكشەتاۋ – بۇل ديناميكالىق تٷردە دامىپ كەلە جاتقان ٶڭٸر. وعان قوسا, شەتەلدە قازاقستاننىڭ شۆەيتساريياسى بولىپ تانىلعان, كۋرورتتارعا ەڭ جاقىن ورنالاسقان قالا. بۋراباي, زەرەندٸ, ششۋچەگە الماتىدان ەلوردامىز ارقىلى جەتۋ ىڭعايسىز. ۋاقىتتى الادى, كٶلٸكتەن-كٶلٸككە اۋىسىپ وتىرۋ قىمباتقا شىعادى. وڭتٷستٸك استانادان كٶكشە ەلٸنە, ال ودان كەيٸن ونىڭ تٶڭٸرەگٸندە ورنالاسقان جەرلەرگە تەز جەتۋگە مٷمكٸندٸك بەرەتٸن تٸكەلەي رەيستەردٸڭ ارقاسىندا جيھانگەزدەر جەڭٸل ەرٸ تەز ۇشىپ بارا الادى. وعان قوسا, اقمولا وبلىسىنىڭ تۇرعىندارى دا تۋعان-تۋىستارىنا جيٸ قوناقتاپ بارا الاتىن بولادى», - دەدٸ «FlyArystan»-نىڭ ساتۋ جەنە ماركەتينگ بٶلٸمٸنٸڭ ديرەكتورى جانار جايلاۋوۆا.
ەسكە سالايىق, «FlyArystan» اۆياكومپانيياسى ەلباسى-تۇڭعىش پرەزيدەنت نۇرسۇلتان نازارباەۆتىڭ 2018 جىلدىڭ قاراشاسىنداعى تاپسىرماسىنا سەيكەس قۇرىلدى. ول «Air Astana» اۆياكومپانيياسىنىڭ ەنشٸلەس كەسٸپورنى. باعاسى قولجەتٸمدٸ كومپانييا العاشقى رەيستەرٸن 2019 جىلدان ورىنداي باستادى.
