Qaskeleń men Talǵarǵa Almatydan elektr poiyzy júredi. Bul týraly Almaty ákimi Baqytjan Saǵyntaev halyqqa esep berý kezdesýinde aitty, dep habarlaidy "Ult aqparat".
Onyń aitýynsha, adamdar men avtokóliktiń kún saiynǵy ary-beri qozǵalysynan týyndaityn salmaqty azaitý maqsatynda qala syrtyna qatynaityn qoǵamdyq kólikti damytý qajet.
Ákimdik tarapynan qajetti sharalar qabyldanyp jatyr.
«Qazir Qaskeleń men Talǵarǵa Almatydan elektr poiyzyn júrgizý máselesi qolǵa alynyp otyr. Mysaly, Máskeýde jaqyn mańdaǵy eldimekenderge júretin «elektrichkalar» bar. Sol siiaqty biz de Talǵardan «Halyq Arenaǵa» deiin qatynaityn elektrichkany iske qosýdy qarastyryp jatyrmyz. Osyndai jobamen bizge jeke investor ózi shyǵyp otyr. Dál osyndai máseleni Qaskelenń jaqtan júrgizýdi de qarastyryp jatyrmyz», - deidi ákim.
