Almatyda jolaýshylardy basqa aimaqtarǵa zańsyz tasymaldaýdyń taǵy bir joly kesildi.
Almaty qalalyq PD baspasóz qyzmetiniń málimetinshe, jolaýshylardy qaladan Qazaqstannyń ońtústik oblystaryna jetkizbek bolǵan jeke júrgizýshiler ustaldy.
«Engizilgen tótenshe jaǵdai rejimine qaramastan, jolaýshylardy qaladan Almaty jáne Jambyl oblystaryna zańsyz tasymaldaý faktileri áli de jalǵasýda. Jaqynda politsiianyń jedel-izdestirý sharalary kezinde 10-nan astam taksi júrgizýshisi ustaldy. Olar qyzmetteri úshin bir adamnan 10-nan 20 myńǵa deiin aqsha alǵan», - dep habarlaidy qalalyq PD baspasóz qyzmeti.
Bul adamdardyń barlyǵy tótenshe jaǵdai rejimin buzǵany úshin jaýapqa tartyldy. Olardy sot kináli dep tapty. Belgilengen shekteýlerge qaramastan, karantin aimaǵynan shyqqysy kelgen jolaýshylarǵa qatysty da tap osyndai jaýapkershilik qarastyrylǵan. Olardyń is-áreketteri QR ÁQbK-niń 476-babyna sáikes qarastyrylady.
