Almatyda 2 táýlikte 23 555 kólik oblysqa shyǵyp ketken. Bul týraly búgin onlain brifing barysynda qalalyq PD Ákimshilik politsiia basqarmasynyń basshysy Jandos Murataliev aitty, dep habarlaidy "Ult aqparat".
«Qala aýmaǵy boiynsha engizilgen karantinge bailanysty qalanyń barlyq kirý jáne shyǵý joldarynda 27 blok-beketter ornalastryldy. Patrýldik politsiia polki, Jedel áreket etý jasaǵy, Qorǵanys ministriliginiń Ulttyq ulan sarbazdary jumyldyrylǵan atalǵan beketterde Almaty qalasyna kiretin barlyq avtokólikterge shekteý qoiyldy. Kólikterdiń qala aýmaǵyna, tek qana Almaty qalasynda tirkeýde bolýy tiis jaǵdaida ǵana jiti tekserilip, ótkizilip jatyr. Blok-beketterdiń jumysy iske qosylǵan kúnnen bastap 28 960 avtokólik, onyń ishinde 23 744 jeńil kólik, 907 shaǵyn avtobýs, 4309 júk kóligi, barlyǵy 59 975 jolaýshy qala aýmaǵyna kirdi. Túrli jaǵdailarǵa bailanysty jáne qala turǵynadary emes bolǵandyqtan 2765 kólik júrgizýshilerine qalaǵa kirýge ruqsat berilgen joq. Almaty oblysy aýmaǵyna kólikter eshqandai kedergisiz ótkizilip jatyr. Jalpy Almaty qalasy aýmaǵynan 23 555 kólik, onyń ishinde 19392 jeńil, 746 shaǵyn avtobýs, 3417 júk kóligi, 50209 jolaýshy shyqty», - dedi Jandos Murataliev.
Munyń aldynda blok beketteri arqyly 2000 teńgege Almaty territoriiasyna jolaýshy ótkizem dep ýáde bergen taksist ustalǵanyn habarlaǵan bolatynbyz.
Karantin jariialanǵaly beri 2 táýlik ishinde Almatyda qylmys kórsetkishi 25 paiyzǵa, jol apaty kórsetkishi 70 paiyzǵa azaiǵan.
