Foto:instagram.com/kris__p__almaty
Almatyda Rysqulov dańǵylynda bolǵan jol apatynan keiin júrgizýshiniń aiaǵyn kesýge týra kelgen, - dep habarlaidy Tengrinews.kz portaly.
Jol-kólik oqiǵasy 18 qańtarda tańǵy saǵat 07:00-07:30-da Rysqulov dańǵylynda, "Rozovaia" kóshesine jetpei shyǵys baǵytta bolǵan. Zardap shegýshiniń týysqanynyń aitýynsha, qazir júrgizýshi aýrýhanada jatyr.
Jaraqat alǵan 37 jastaǵy júrgizýshiniń otbasy men úsh balasy bar. Uzaq emdelip, ota, ońaltý kýrsynan ótýi kerek.
"Ol tańerteń ózi turatyn "Zerdeli" shaǵynaýdanynan jumysqa bara jatqan. Artqy jaǵynan kólik soqtyǵysqan kezde ol ortańǵy qatarda kele jatqan. Aǵam tejegishti basqan, biraq kólik qorshaýǵa kirip ketken. Ony úsh saǵattan keiin ǵana TJM qyzmetkerleri kólikten shyǵaryp aldy. Onyń oń aiaǵyn kesti, jambasy men qabyrǵalary synǵan, ekinshi aiaǵyna da operatsiia jasaý kerek", - dedi jábirlenýshiniń týysy.
18 qańtarda Almaty qalasyndaǵy Rysqulov-Rozovaia mekenjaiynda Mercedes Benz-W210 avtokóligi ushyraǵan jol-kólik oqiǵasynyń barlyq kýágerinen 8 701 861 81 00 nómirge telefon soǵý suralady. Aǵasy Asylbek.
