Foto: video skrini
26 qańtarda túnde Almatydaǵy Súiinbai dańǵylynyń boiynda №13 áskeri qalashyq mańynda jol-kólik oqiǵasy boldy, - dep habarlaidy Tengrinews.kz saity.
"BMW kóliginiń júrgizýshisi dańǵyl boiymen ońtústikke qarai kele jatqan. Shamasy júrgizýshi rólge ie bola almai qalǵan. Kólik syrǵanap, aǵashqa soǵyldy. Sodan keiin inertsiiamen sham baǵanasyna soqtyǵysty", - dedi Almaty politsiia departamentiniń resmi ókili Saltanat Ázirbek.
2004 jyly týǵan júrgizýshi aýyr jaraqat alǵan. Ony jedel járdem brigadasy 4-qalalyq aýrýhanaǵa jetkizgen. Al 17 jastaǵy jolaýshy alǵan jaraqaty saldarynan oqiǵa bolǵan jerde mert boldy.
Bul derekti tergeýmen Almaty politsiia departamenti anyqtaý basqarmasynyń qyzmetkerleri ainalysyp jatyr.
