Foto: Shutterstock/FOTODOM
Almatylyq dárigerler jer silkinisi kezinde zardap shekken turǵyndardyń qazirgi jaǵdaiyn aitty.
Qalalyq qoǵamdyq densaýlyq saqtaý basqarmasynyń málimetinshe, jer silkinisi kezinde zardap shekken úsh eresek adamǵa barlyq qajetti meditsinalyq kómek kórsetilip jatyr.
«Úsh naýqas qalalyq jedel shuǵyl kómek kórsetý aýrýhanasynda emdelip jatyr. Bireýiniń háli aýyr, ekeýiniń jaǵdaiy ortasha. Barlyq naýqas tolyq kólemde qajetti meditsinalyq kómek alady», — delingen habarlamada.
Sondai-aq balalarǵa shuǵyl meditsinalyq járdem kórsetý ortalyǵynda 4 bala emdelip jatyr.
Olardyń jaǵdaiy ortasha, birqalypty.
Eske salaiyq, 23 qańtarǵa qaraǵan túni almatylyqtar qatty jer silkinisin sezdi. Jer silkinisiniń oshaǵy Almatydan ońtústik-shyǵysqa qarai 264 shaqyrym jerde Qazaqstan men Qyrǵyzstan shekarasynda ornalasqan. Almatydaǵy jer silkinisiniń kúshi 5 ball boldy.
