Almatydaǵy jappai tártipsizdik kezinde emdeý mekemelerine 1200-den astam adam júgindi. Bul týraly onlain brifing barysynda qalalyq qoǵamdyq densaýlyq saqtaý basqarmasy basshysynyń orynbasary Svetlana Sultanǵazieva aitty, dep habarlaidy QazAqparat.
«Tártipsizdik kezinde Almaty aýrýhanalaryna 1256 adam júgindi, onyń 506-sy aýrýhanaǵa jatqyzyldy. Olardyń basym bóligi emdeý mekemelerine jedel járdem kólikterimen jetkizildi. Barlyǵyna qajetti meditsinalyq kómek kórsetildi. Qazir aýrýhanalarda em qabyldap jatqan 33 naýqas bar.
Sonymen qatar, ol keibir naýqastar áskeri gospitaldarǵa aýystyrlǵanyn tilge tiek etti.
Aita keteiik, Almaty qalalyq politsiia departamenti qańtar oqiǵasyna qatysty tergeý jumystaryn jalǵastyrýda. Sotqa deiingi tergep-tekserýdiń biryńǵai tizilimine búgingi tańda 1481 qylmystyq is tirkeldi», - dedi Svetlana Sultanǵazieva.
