الماتىداعى جاپپاي تەرتٸپسٸزدٸك كەزٸندە ەمدەۋ مەكەمەلەرٸنە 1200-دەن استام ادام جٷگٸندٸ. بۇل تۋرالى ونلاين بريفينگ بارىسىندا قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا سۇلتانعازيەۆا ايتتى, دەپ حابارلايدى قازاقپارات.
«تەرتٸپسٸزدٸك كەزٸندە الماتى اۋرۋحانالارىنا 1256 ادام جٷگٸندٸ, ونىڭ 506-سى اۋرۋحاناعا جاتقىزىلدى. ولاردىڭ باسىم بٶلٸگٸ ەمدەۋ مەكەمەلەرٸنە جەدەل جەردەم كٶلٸكتەرٸمەن جەتكٸزٸلدٸ. بارلىعىنا قاجەتتٸ مەديتسينالىق كٶمەك كٶرسەتٸلدٸ. قازٸر اۋرۋحانالاردا ەم قابىلداپ جاتقان 33 ناۋقاس بار.
سونىمەن قاتار, ول كەيبٸر ناۋقاستار ەسكەري گوسپيتالدارعا اۋىستىرلعانىن تٸلگە تيەك ەتتٸ.
ايتا كەتەيٸك, الماتى قالالىق پوليتسييا دەپارتامەنتٸ قاڭتار وقيعاسىنا قاتىستى تەرگەۋ جۇمىستارىن جالعاستىرۋدا. سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە بٷگٸنگٸ تاڭدا 1481 قىلمىستىق ٸس تٸركەلدٸ», - دەدٸ سۆەتلانا سۇلتانعازيەۆا.
