Foto: facebook.com/mukan.shynggys
Biyl Almatyda Halyqaralyq kitap kúnine orai ashylǵan Coffee Book kofehanasyn jabyldy, dep habarlaidy Ult.kz Mazmundama baspasynyń basshysy, ári kofehananyń iesi Shyńǵys Muqanǵa silteme jasap.
Kofehana iesi joba ózin aqtamaǵanyn aitady.
"Shetelderde kitap kafeleri kóp. Almatydaǵy jalǵyz kitap kafe sonymen jabyldy. Kitabi format halyqqa ótpedi. Dostyqtaǵy Coffee Book tolyǵymen jabyldy, qazir jinastyryp jatyrmyz, al Jandosovtaǵy oryndy Coffee Original-dyń jigitterine basqarýǵa berdik. Kitabi format saqtalady, odan bólek Coffee Original-dyń barlyq oryndaryna kitap sórelerin qoiamyz dep ýáde etti", - dep jazdy Shyńǵys Muqan.
Osylaisha, Coffee Book jabylǵanymen, kitap kafe ideiasy jalǵasatynyn eskertti.
Esterińizge sala keteiik, Coffee Book áý basta turǵyndar arasynda kitap oqý mádenietin nasihattaýdy kózdegen. Kofehananyń sórelerine túrli janrdaǵy myńǵa jýyq oqýlyq qoiylǵan. Kitaphana men kofehana qyzmetin úilestirgen jobany qala ákimdigi qoldaǵan.
