Almatydaǵy jaǵdai memleket pen qoǵamdy oilandyrýy qajet. Bul týraly Májilis depýtaty Erlan Sairov jelidegi paraqshasynda jazdy, dep habarlaidy "Ult aqparat".
Onyń paiymynsha, sot sheshimderi ádiletti, túsinikti bolýy tiis.
«Almatydaǵy jaǵdai memleket pen qoǵamdy oilandyrýy qajet. Syrtqy jaǵdai óte kúrdeli. Aýǵanstan faktory bizdiń elge árqashan áser etetin bolady. Sondyqtan ishimizdegi problemalardy oń sheshýdiń amalyn oilastyrý mańyzdy.
Elimizde zańdylyq bolýy kerek. "Zań qatal, biraq ol zań" printsipi - ýniversaldy bap. Degenmen, zańnyń ózi ádilettilik printsipine negizdelýi tiis.
Ádildik, gýmanizm arqyly ǵana zańnyń tolyq oryndalýyn qamtamasyz etýge bolady. Biraq retsidivist, separatist, zorlyq-zombylyqqa jaqyn, adamnyń ala jibin attaityn azamattarǵa zań óte qatal bolýy abzal.
Qarapaiym, zańdy oryndaityn, eńbekqor adamnyń múddesin qorǵaityn zańdar kerek.
Sottardyń sheshimderi ádiletti, túsinikti bolýy tiis. Bul - búgingi úlken problema. Zań qatal, biraq taza, kirshiksiz, adal adamdar jaǵynda bolýy qajet!», - dep jazdy ol.
