Almaty áýejaiyna jaqyn jer ýchaskelerin zańsyz taratqan sheneýnik qamaýǵa alyndy, dep habarlaidy Sputnik Qazaqstan.
Sybailas jemqorlyqqa qarsy is-qimyl agenttigi aǵa tergeýshisi Daniiar Bekaidarovtyń aitýynsha, Eńbekshiqazaq aýdany ákiminiń orynbasary Rysbekov qamaýǵa alyndy.
Ol úsh jyl buryn Almaty áýejaiyna jaqyn jerlerde qurylys nysandaryn salýǵa ruqsat bergen.
Almaty oblysy boiynsha sybailas jemqorlyqqa qarsy is-qimyl qyzmeti laýazymyn asyra paidalanýǵa qatysty sotqa deiingi tergeýdi bastady.
"Ol 2017 jyly Talǵar aýdandyq sáýlet jáne qala qurylys bóliminiń basshysy qyzmetine atqaryp júrgende 16 jer ýchaskesine qurylys salýdyń syzba-nusqasyn zańsyz rásimdedi degen kúdikke ilindi. Osy qujat negizinde Jumabaevtyń atyna menshik quqyǵy týraly qujattar jasaldy. Jalpy aýdany bir gektardy quraityn jer ýchaskeleri Talǵar aýdanynyń Panfilov aýyldyq okrýginde Almaty áýejaiyna jaqyn ornalasqan", - dedi Bekaidarov astanada ótken baspasóz máslihatynda.
Rysbekov ýaqytsha ustaý abaqtysyna qamaldy.
