Almatyda PTR nátijesi men vaktsinatsiia pasporttaryn qoldan jasaǵan úsh mekemeniń qyzmetkerleri áshkere boldy, - dep habarlaidy "Ult aqparat" Polisia.kz saityna silteme jasap.
Qalalyq kriminaldyq politsiia basqarmasynyń málimeti boiynsha, eki jeke meditsinalyq ortalyq - "Dostar Med" jáne "Suńqar" qyzmetkerleri jalǵan qujat jasaǵany úshin ustaldy. Sondai-aq, №4 poliklinikada meditsinalyq qyzmetkerlerdiń vaktsinatsiia pasportyn satqany jáne vaktsinalardy zańsyz joiǵany anyqtaldy. Birinshi jaǵdaida klinika janyndaǵy zerthana qyzmetkeri ortalyqtyń eki medbikesi kómegimen aqshalai syiaqy úshin biomaterialdy almai PTR-synama tapsyrýdy uiymdastyrǵan.
Biraz ýaqyttan keiin "Suńqar" meditsinalyq ortalyǵynyń dáriger-endoksisti ustaldy. Ol buryn alaiaqtyq úshin jaýapqa tartylǵan. Jeke tintý kezinde PTR-synama nátijeleri, sondai-aq aqsha protsessýaldyq tártipte tárkilendi. Sonymen qatar, №4 qalalyq emhananyń aǵa meiirbikesi ustaldy, ol 15 myń teńge kóleminde aqshalai syiaqy úshin vaktsina alǵandardy belgileý jýrnalyna jalǵan tirkeý jasaǵanyn moiyndady. Bul derekter QR QK-niń 385-baby boiynsha sotaldy tergeýdiń biryńǵai tizilimine tirkeldi. Tergeý jalǵasyp jatyr.
Aita keteiik, buǵan deiin sybailas jemqorlyqqa qarsy qyzmet úsh óńirde vaktsinatsiia pasporttaryn qoldan jasaýmen ainalysqan meditsina qyzmetkerlerin ustaǵan bolatyn.
