Almatydaǵy úlken ónerkásip kásiporynnyń qyzmetkerleri 23 tamyzda ótetin quryltaidyń múshelerin sailaýdy qoldaityndaryn bildirip, qala turǵyndaryn daýys berýge belsene qatysýǵa shaqyrdy.
«Kazlegprom-Almaty» JShS men «Asfaltobeton 1» JShS eńbek ujymynyń ókilderi osylaisha ózderiniń azamattyq ustanymyn jetkizdi.
Kásiporyn ókilderiniń aitýynsha, sailaýǵa qatysý – ár azamattyń eldiń turaqty damýyna úles qosýy, qoǵam birligin nyǵaitýy men ekonomikanyń odan ári órkendeýine qolaily jaǵdai jasaýǵa atsalysqany eken.
«Kazlegprom-Almaty» JShS qyzmetkeri Ainur Jókejanova jarqyn bolashaq búgin qabyldanatyn durys tańdaýdan bastalatynyn atap ótti. Onyń aitýynsha, kásiporyn ujymy adal eńbekti, birlikti joǵary baǵalap, ulttyq múddeni bárinen biik qoiady. Sondyqtan olar 23 tamyz kúni ótetin daýys berýge qatysýdy josparlap qoiypty.
Al «Asfaltobeton 1» JShS qyzmetkeri Ilshat Iminov kúndelikti eńbek eldiń damýyna baǵyttalǵanyn aityp, sailaýǵa qatysý memlekettiń jańǵyrýy men gúldenýine sep bolatyn qadam ekenin aityp otyr.
Eńbek ujymynyń ókilderi almatylyqtardy osy naýqannan shet qalmai, ózderiniń konstitýtsiialyq quqyǵyn paidalanyp, 23 tamyzda ótetin quryltai múshelerin sailaýǵa bir kisidei atsalysýǵa shaqyrdy.
