الماتىداعى ٷلكەن ٶنەركەسٸپ كەسٸپورىننىڭ قىزمەتكەرلەرٸ 23 تامىزدا ٶتەتٸن قۇرىلتايدىڭ مٷشەلەرٸن سايلاۋدى قولدايتىندارىن بٸلدٸرٸپ, قالا تۇرعىندارىن داۋىس بەرۋگە بەلسەنە قاتىسۋعا شاقىردى.
«كازلەگپروم-الماتى» جشس مەن «اسفالتوبەتون 1» جشس ەڭبەك ۇجىمىنىڭ ٶكٸلدەرٸ وسىلايشا ٶزدەرٸنٸڭ ازاماتتىق ۇستانىمىن جەتكٸزدٸ.
كەسٸپورىن ٶكٸلدەرٸنٸڭ ايتۋىنشا, سايلاۋعا قاتىسۋ – ەر ازاماتتىڭ ەلدٸڭ تۇراقتى دامۋىنا ٷلەس قوسۋى, قوعام بٸرلٸگٸن نىعايتۋى مەن ەكونوميكانىڭ ودان ەرٸ ٶركەندەۋٸنە قولايلى جاعداي جاساۋعا اتسالىسقانى ەكەن.
«كازلەگپروم-الماتى» جشس قىزمەتكەرٸ اينۇر جٶكەجانوۆا جارقىن بولاشاق بٷگٸن قابىلداناتىن دۇرىس تاڭداۋدان باستالاتىنىن اتاپ ٶتتٸ. ونىڭ ايتۋىنشا, كەسٸپورىن ۇجىمى ادال ەڭبەكتٸ, بٸرلٸكتٸ جوعارى باعالاپ, ۇلتتىق مٷددەنٸ بەرٸنەن بيٸك قويادى. سوندىقتان ولار 23 تامىز كٷنٸ ٶتەتٸن داۋىس بەرۋگە قاتىسۋدى جوسپارلاپ قويىپتى.
ال «اسفالتوبەتون 1» جشس قىزمەتكەرٸ يلشات يمينوۆ كٷندەلٸكتٸ ەڭبەك ەلدٸڭ دامۋىنا باعىتتالعانىن ايتىپ, سايلاۋعا قاتىسۋ مەملەكەتتٸڭ جاڭعىرۋى مەن گٷلدەنۋٸنە سەپ بولاتىن قادام ەكەنٸن ايتىپ وتىر.
ەڭبەك ۇجىمىنىڭ ٶكٸلدەرٸ الماتىلىقتاردى وسى ناۋقاننان شەت قالماي, ٶزدەرٸنٸڭ كونستيتۋتسييالىق قۇقىعىن پايدالانىپ, 23 تامىزدا ٶتەتٸن قۇرىلتاي مٷشەلەرٸن سايلاۋعا بٸر كٸسٸدەي اتسالىسۋعا شاقىردى.
