Foto: Festivaldiń baspasóz qyzmeti
2024 jyly 26 qazanda Qazaqstan Respýblikasynyń Memlekettik ortalyq mýzeiinde Qazaqstandyq Ulttyq IýNESKO klýbtarynyń Federatsiiasy uiymdastyrǵan THE PLANET OF ART - 2024 Halyqaralyq jastar Festivaliniń finalister men joba jeńimpazdarynyń jumystarynyń kórmesi, sondai-aq jeńimpazdardy marapattaý rásimi ótti, dep habarlaidy Ult.kz.
2024 jyly THE PLANET OF ART-2024 Halyqaralyq jastar festivaliniń kórkemdik tsikli IýNESKO-nyń Álemdik mura obektileri týraly bilimdi zerdeleýge jáne Qazaqstandyq Ulttyq IýNESKO klýbtarynyń Federatsiiasynyń 15 jyldyǵyna arnalyp, Qazaqstannyń Dúniejúzilik IýNESKO klýbtary men assotsiatsiialarynyń Federatsiiasynda tóraǵalyq etýi aiasynda ótkizildi. Álemniń 34 elinen 3 pen 18 jas aralyǵyndaǵy myńdaǵan balalar men jastar ózderiniń Álemdik mura nysandaryn kórsetetin jumystaryn usyndy.
Foto: Festivaldiń baspasóz qyzmeti
«THE PLANET OF ART - tek Federatsiianyń jobasy ǵana emes, qatysýshylar úshin jańa kókjiekter ashatyn jáne mádeni almasýdyń bolashaǵyn qalyptastyratyn dialog pen shyǵarmashylyq alańy. Biz 15 jyl ishinde ERG, CNPC, TShO jáne TotalEnergies seriktesterimizdiń qoldaýy arqasynda, jastar ózderin kórsetip jáne mádeni murany saqtaýǵa úles qosa alatyn keńistik qurǵanymyzǵa maqtan tutamyz», - dep Dúniejúzilik jáne Qazaqstandyq IýNESKO klýbtarynyń Federatsiialarynyń Prezidenti Bolat Aqsholakov atap ótti.
Qazylar alqasy otyrysynyń qorytyndysy boiynsha álemniń 34 elinen 82 jeńimpaz anyqtaldy. Olar Qazaqstannyń ońtústik astanasy - Almaty qalasynda ótetin Festivaldiń sońǵy bóliginiń qyzyqty baǵdarlamasymen tanysty. Balalarǵa Qazaqstan Respýblikasynyń jetekshi pedagogtary men óner qairatkerlerimen sheberlik synyptary men treningterden ótýge biregei múmkindik berildi.
Foto: Festivaldiń baspasóz qyzmeti
Is-shara baǵdarlamasynyń sharyqtaý shegi - IýNESKO-nyń Álemdik murasy taqyrybyna arnalǵan taqyryptyq albomyn shyǵarylýy jáne tusaýkeseri, oǵan 500-ge jýyq THE PLANET OF ART - 2024 Festivaliniń finalisteri men jeńimpazdarynyń eńbekteri engizilgen.
Óz kezeginde, "ERG Komek" Korporativtik qorynyń direktory Mádi Ismailov: «Baiqaý IýNESKO-nyń Álemdik murasynyń mańyzdy taqyrybyn tereń zertteýge yqpal ete otyryp, Eýraziialyq toptyń maqsatyn tolyq qoldaidy. Bizdiń tarihymyzdy túsinip, zerttemeiinshe laiyqty bolashaq qurý múmkin emes. Álemniń 34 elinen kelgen myńdaǵan balalardyń ózderiniń Álemdik mura nysandary týraly bilimderimen bóliskenine erekshe qýanamyz».
Foto: Festivaldiń baspasóz qyzmeti
Jobanyń bas seriktesi - Eurasian Resources Group (ERG), birlesken seriktesi CNPC kompaniiasynyń jáne resmi seriktesteri - Teńizshevroil jáne TotalEnergies E&P Kazakhstan qoldaýynyń arqasynda joba tek áleýmettik sipatta bolyp, daryndy jas sýretshilerdi shyǵarmashylyq áleýetin júzege asyrý úshin qoldaý kórsetti.
Halyqaralyq deńgeide ótkizilýi men turaqtylyǵynyń arqasynda kórshi elder men shet elderdiń shalǵai aýdandarynda, aýyldarynda turatyn jastarǵa ártúrli áleýmettik jaǵdaiy men turǵylyqty meken-jaiyna qaramastan, óz shyǵarmashylyǵyn kópshilikke pash etip, tegin qatysýǵa múmkindik berdi. Al baiqaýdyń aqtyq synyna ótken qatysýshylar Qazaqstannyń úlgili, tájiribeli mamandarynan tálim alyp, óz daǵdylaryn shyńdai aldy.
Festivalge Qazaqstan Respýblikasy Syrtqy ister ministrligi, Qazaqstan Respýblikasynyń IýNESKO jáne ISESKO isteri jónindegi Ulttyq komissiiasy, Qazaqstan Respýblikasy Bilim ministrligi, QR Mádeniet jáne aqparat ministrligi, Almaty qalasy ákimdigi jáne IýNESKO-nyń Almatydaǵy aimaqtyq keńsesi keńinen qoldaý kórsetti. Joba seriktesteri - «Shymbulaq» taý kýrorty jáne «Kinoplexx & Kinopark Theatres» kinoteatrlar jelisi.
