Almatydaǵy Táýelsizdik jariialanǵan ǵimarat búginde tarihi nysanǵa ainaldy. Dál osy ǵimaratta 1991 jyly 16 jeltoqsanda Elbasy Nursultan Nazarbaev «Qazaqstan Respýblikasynyń memlekettik táýelsizdigi týraly» Konstitýtsiialyq zańǵa qol qoidy, dep habarlaidy "Ult aqparat".
Tarihi ǵimarat Almatynyń ortalyǵynda ornalasqan - ǵimarattyń negizgi qasbeti eski alań dep atalatyn «Astana» alańyna qaraidy. Qazaq KSR Úkimet úiine arnalǵan ǵimarattyń qurylysy 1938 jyly bastalǵantyn. Soǵys jyldarynda toqtap qalǵan qurylys 1957 jyly aiaqtaldy, al 1972 jyly oǵan qosalqy eki ǵimarat salyndy.
1980 jylǵa deiin, bul ǵimaratta Joǵarǵy Keńes, Ministrler Keńesi jáne Qazaq KSR Kompartiiasy Ortalyq Komiteti otyrdy.Táýelsizdik alǵannan keiin Almaty oblysynyń ákimdigi osynda ornalasty. 2001 jyldan bastap qazirgi ýaqytqa deiin - Qazaqstan-Britan tehnikalyq ýniversiteti (QBTÝ). 2016 jyly QBTÝ (Joǵarǵy Keńes) ǵimaratynyń qasbetinde QR memlekettik táýelsizdigi týraly» Konstitýtsiialyq zańnyń qabyldanǵany týraly memorialdyq taqta ashyldy.
QBTÝ-dyń PR-menedjeri Dias Abylqasov, tarihi ǵimaratqa «ekskýrsiia» jasaýǵa kelisti. Ol osy ǵimaratta jumys istegen burynǵy qyzmetkerlerdiń zeinetke shyqqanyn, biraq ǵimarattyń tarihy týraly olardan biraz aqparat alyp qalǵanyn atap ótti.
Ótken jazda ǵimarattyń ortalyq zalynda demeýshilik qarajatpen jóndeý jumystary júrgizildi. El taǵdyry úshin sheshimder qabyldanǵan zaldy jańartýǵa bir aidan astam ýaqyt ketti.
«Biz barlyq erejelerdi qatań saqtadyq, óitkeni ǵimarat tarihi eskertkish retinde memleket qorǵaýynda. Eń bastysy, biz kommýnikatsiialardy qalpyna keltirdik: jylý, jeldetý, jańa dybystyq júie ornatyldy, óitkeni qazir bul bólme májilis zaly emes - bul ýniversitettiń qajettilikterine, onyń ishinde stýdenttik is-sharalarǵa arnalǵan bólme. Jaryq aýystyryldy, barlyq liýstra qaldy, olarǵa jańa jaryqdiodty shamdar qoidy. Parketi qaita jyltyratyldy», - dedi Dias Abylqasov.
QBTÝ-dyń dóńgelek zalynyń tóbesindegi kúmbezge kún batareialary ornatyldy - bul zaldy jaryqtandyrý qajettiligin «jabýǵa» múmkindik berdi.
«Dóńgelek zalda eski oryndyqtardyń tósenishteri aýystyryldy. Óitkeni taza bylǵarynyń tozyǵy ábden jetken. Jaramsyz boldy, eski qaptamany saqtai otyryp, jańa tústi dermatinnen ázirlendi. Oryndar qatarlary depýtattar úshin arnaiy bailanyspen jabdyqtalǵan, ol jumys istemedi, biz jai ǵana ústin aǵashpen jaýyp tastadyq», - dedi ol.
Zaldyń ekinshi qabatynda birneshe eski oryndyqtar óz pishininde saqtalǵan.
Joǵarǵy Keńestiń depýtattary otyrystarǵa Qazybek bi kóshesinen kirgen.
Qazir munda, túlekter alleiasy bar.
Ǵimarattyń dálizderinde keńestik dekor elementteri, eski shamdar, terezeler sol qalpynda saqtalǵan.
Qazir Qazaq KSR Kommýnistik partiiasynyń birinshi hatshysynyń kómekshileri otyrǵan keńselerdiń birinde professor QBTÝ halyqaralyq ekonomika mektebiniń dekany, Geivin Kretchmar jumys isteidi.
«Men Qazaq KSR Kompartiiasy Ortalyq Komitetiniń birinshi hatshysy Dinmuhammed Qonaev jumys istegen jerde otyramyn. Men ózim - Shotlandiiadanmyn. Mýzeide jumys isteitindei sezinemin. Biz Halyqaralyq ekonomika mektebi kórshi zaldy London stilinde jasadyq - ol London room, dep atalady, al Qonaev otyrǵan bólme Kunaev room, dep atalady. Bul ǵimaratta Táýelsizdik qabyldandy, sondyqtan ǵimarattyń tarihi mańyzdylyǵyn sózben aityp jetkizý múmkin emes», - dedi ol.
Professor qazaqstandyq stýdentterdiń bilimi joǵary deńgeide ekenin tilge tiek etti. Sondai-aq, Geivin Kretchmar otbasymen qazaqstandyq sýretshilerdiń kartinalaryn jinaidy, sondyqtan ol Qazaqstan týraly jaqsy biledi.
Munda Kommýnistik partiia Ortalyq Komitetiniń birinshi hatshysynyń da kabineti boldy. Qazir ol aýditoriiada sol kezdiń kartasy saqtalǵan.
Terezelerden ádemi saiabaqty kórýge bolady.
Ashana burynǵydai qaldy. Onyń tek ishki kórinisi ózgertilgen.
Sondai-aq, dál osy ǵimaratta astanany aýystyrý týraly sheshim qabyldandy.
