Parlament Májilisiniń jalpy otyrysynda Syrtqy ister ministri Muhtar Tileýberdi Almaty qalasyndaǵy Syrtqy ister ministrligi ókildiginiń zańdy mártebesin anyqtaý jaiynda túsindirdi, dep habarlaidy QazAqparat.
Aita keteiik, jalpy otyrysta «Qazaqstan Respýblikasynyń diplomatiialyq qyzmeti týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasy maquldandy.
«Almaty qalasyndaǵy Syrtqy ister ministrligi Ókildigin zańdy turǵydan bekitý arqyly onyń zańdy mártebesin anyqtaý jáne shet memleketter men halyqaralyq uiymdardyń diplomatiialyq ókildikteri aldynda ókildiktiń mańyzdylyǵyn arttyrý kózdelgen.
Almatyda shet memleketter men halyqaralyq uiymdardyń 100-ge tarta ókildigi jumys isteitinin jáne olarmen ózara qatynasqa túsý Almaty qalasyndaǵy Ókildigimizge júktelgendigin atap ótý qajet», - dedi M. Tileýberdi.
Onyń aitýynsha, zań jobasynda burynǵy quqyqtyq olqylyqtardy joiý arqyly jalpy normativtik-quqyqtyq bazany jetildirý qarastyrylǵan.
QR Parlamenti Májilisinde qurylǵan jumys tobyndaǵy talqylaý barysynda zań jobasynyń redaktsiialyq bóligi pysyqtaldy jáne basqa zańnama aktilermen sáikestendirildi.
Budan buryn habarlanǵandai, atalǵan qujat aiasynda diplomatiialyq poshtany jinaqtaý men jetkizýdi qamtamasyz etý jónindegi fýnktsiialar bekitiledi.
