Almatyda qoǵamdyq keńestiń ekinshi otyrysynda qalalyq "Sairan" men "Saiahat" avtovokzaldarynyń máseleleri talqylandy, - dep habarlaidy Tengrinews.kz tilshisi.
Kezdesýge nysandar ornalasqan aýdandardyń ákimdik ókilderi keldi.
"Sairan" boiynsha problemalar bar. Byltyr 40-qa jýyq saýda ornynyń jumysy toqtaldy. Sondai-aq, nysandardyń arhitektýralyq qalpyn jetildirý boiynsha kelissózder júrgizildi. Olar bul máselege túsinistikpen qarady: ǵimaratty basqa bireýge berý nemese ony tolyqtai modernizatsiialaý týraly sheshim qabyldanady. Osy másele bir apta ishinde sheshiledi, qarastyrylyp jatyr", - dedi Áýezov aýdany ákiminiń orynbasary Erkebulan Orazalin.
Al "Sairan" avtovokzaly direktorynyń orynbasary Erlan Ábildaev nysannyń tasymaldaýshy retinde jumys istei beretinin aitty.
"Menshik iesi avtovokzaldyń jumys isteitinin aitty, kólik tasymaly júrgiziledi. Biz jyl saiyn jóndeý jumystaryn júrgizemiz, oǵan jyl saiyn 25-30 million teńge bólinedi. Avtovokzal ǵimaratynyń 70 paiyzy shynydan salynǵan. Sondyqtan shynylardy aýystyramyz", - dedi Erlan Ábildaev.
"Saiahat" avtovokzaly jaily aita kele, Jetisý aýdany ákimi apparatynyń basshysy Viacheslav Vavilin qazirgi ýaqytta avtovokzal aýmaǵynda saýda oryndaryn joiý sharalary júrgizilip jatqanyn habarlady.
Sondai-aq, "Saiahat Invest" JShS direktory Timýr Imashev "Saiahattaǵy" bazardyń súriletinin aitty.
