الماتىدا قوعامدىق كەڭەستٸڭ ەكٸنشٸ وتىرىسىندا قالالىق "سايران" مەن "ساياحات" اۆتوۆوكزالدارىنىڭ مەسەلەلەرٸ تالقىلاندى, - دەپ حابارلايدى Tengrinews.kz تٸلشٸسٸ.
كەزدەسۋگە نىساندار ورنالاسقان اۋدانداردىڭ ەكٸمدٸك ٶكٸلدەرٸ كەلدٸ.
"سايران" بويىنشا پروبلەمالار بار. بىلتىر 40-قا جۋىق ساۋدا ورنىنىڭ جۇمىسى توقتالدى. سونداي-اق, نىسانداردىڭ ارحيتەكتۋرالىق قالپىن جەتٸلدٸرۋ بويىنشا كەلٸسسٶزدەر جٷرگٸزٸلدٸ. ولار بۇل مەسەلەگە تٷسٸنٸستٸكپەن قارادى: عيماراتتى باسقا بٸرەۋگە بەرۋ نەمەسە ونى تولىقتاي مودەرنيزاتسييالاۋ تۋرالى شەشٸم قابىلدانادى. وسى مەسەلە بٸر اپتا ٸشٸندە شەشٸلەدٸ, قاراستىرىلىپ جاتىر", - دەدٸ ەۋەزوۆ اۋدانى ەكٸمٸنٸڭ ورىنباسارى ەركەبۇلان ورازالين.
ال "سايران" اۆتوۆوكزالى ديرەكتورىنىڭ ورىنباسارى ەرلان ەبٸلداەۆ نىساننىڭ تاسىمالداۋشى رەتٸندە جۇمىس ٸستەي بەرەتٸنٸن ايتتى.
"مەنشٸك يەسٸ اۆتوۆوكزالدىڭ جۇمىس ٸستەيتٸنٸن ايتتى, كٶلٸك تاسىمالى جٷرگٸزٸلەدٸ. بٸز جىل سايىن جٶندەۋ جۇمىستارىن جٷرگٸزەمٸز, وعان جىل سايىن 25-30 ميلليون تەڭگە بٶلٸنەدٸ. اۆتوۆوكزال عيماراتىنىڭ 70 پايىزى شىنىدان سالىنعان. سوندىقتان شىنىلاردى اۋىستىرامىز", - دەدٸ ەرلان ەبٸلداەۆ.
"ساياحات" اۆتوۆوكزالى جايلى ايتا كەلە, جەتٸسۋ اۋدانى ەكٸمٸ اپپاراتىنىڭ باسشىسى ۆياچەسلاۆ ۆاۆيلين قازٸرگٸ ۋاقىتتا اۆتوۆوكزال اۋماعىندا ساۋدا ورىندارىن جويۋ شارالارى جٷرگٸزٸلٸپ جاتقانىن حابارلادى.
سونداي-اق, "ساياحات ينۆەست" جشس ديرەكتورى تيمۋر يماشەۆ "ساياحاتتاعى" بازاردىڭ سٷرٸلەتٸنٸن ايتتى.
