Oqiǵa týraly áleýmettik jelidegi paraqshasynda Májilis depýtaty Qazybek Isa jazdy, dep habarlaidy Ulysmedia.kz portaly.
Depýtat Sadyq Janyqul esimdi azamattyń basynan ótken videony jariialady. Álgi azamat Almatydaǵy Rahat Palace qonaq úiine kelgen. Alaida oǵan sol jerdegi qyzmetkerdiń biri «qazaqsha qyzmet kórsetpeitinin» aitqan kórinedi. Videoda qonaqúi qyzmetkeriniń burylyp ketip bara jatyp, «vy ne imeete pravo snimat menia» degen sózin estýge bolady.
Videony bólisken Qazybek Isa bul jáittiń Qazaqstanda shuǵyl Memlekettik tildi mindetteitin zań qabyldaý memlekettiń mindeti ekenin aiǵaqtap turǵanyn jazady.
«Jaraisyń, Sadyq baýyrym! Bári óte saýatty da, jaýapty! «Oryssha sóile! Orys tili memlekettik til» deitindei orys tili mindetti memlekettik til bolyp tur ǵoi sonda bizdiń elde, biliktegilerdiń qalaýymen jáne shyndyqty jasyryp, jabýymen! Óte durys, ózekti másele kóterip otyr Sadyq baýyrymyz. Sadyq Janyqul negizi aǵylshyn, arab, túrik tilderinen bastap 6 til biledi orys tilin bilmese de. Ol memlekettik tildiń namysyn qorǵap tur. Bárimiz osylai Memlekettik til qorǵany bolýymyz kerek», - deidi Qazybek Isa.
