Bas múfti Serikbai qajy Orazdyń buiryǵymen Erkinbek Kerimbekuly Shoqaev Qazaqstan musylmandary dini basqarmasynyń Almaty qalasy boiynsha ókil imamy bolyp taǵaiyndaldy, dep habarlaidy "Ult aqparat" QMDB baspasóz qyzmetine silteme jasap.
«Erkinbek Kerimbekuly 7 qyraǵattyń ijazasyn alǵan Qari. Livandaǵy Tripoli ýniversitetin úzdik bitirgen bilimdi de bilikti islamtanýshy. Elimizdegi birneshe oqý oryndarynda, ǵylymi ortalyqtarda oqytýshy, ǵylymi qyzmetker bolyp istegen, dini qyzmet salasyndaǵy tájiribesi mol, isker hám bilikti azamat», - dep atap ótti Bas múfti Serikbai qajy Satybaldyuly.
Serikbai qajy Satybaldyuly «Almaty Ortalyq» meshitiniń bas imamy qyzmetin atqaryp kelgen Nurbek qajy Esmaǵanbetke qazaqy dástúrmen iyǵyna shapan jaýyp, jańa qyzmetine sáttilik tiledi.
Erkinbek Kerimbekuly Shoqaev 1980 jyly týǵan. 1998–2001 jyldar aralyǵynda «Týra jol» meshiti janyndaǵy qarilar daiyndaý saýat ashý kýrsyn bitirdi. 2001–2006 jyldar aralyǵynda Livannyń Tripoli qalasyndaǵy Quran Kárim úiretetin ortalyqta Shatybi jolymen 7 kyraǵat ijazatyn aldy. 2002–2006 jyldar aralyǵynda Livandaǵy Tripoli ýniversitetinde Islamtanýshy–shariǵat mamandyǵy boiynsha bakalavrdy úzdik bitirdi. 2007–2009 jyldar aralyǵynda L.N.Gýmilev atyndaǵy Evraziia ulttyq ýniversitetinde Dintanýshy (úzdik diplom) mamandyǵy boiynsha magistratýrasyn támamdady. 26 qazan - 13 qarasha 2015 QR Prezidenti janyndaǵy Memlekettik basqarý akademiiasynda «QR memlekettik basqarýdy jańǵyrtý» «B» korpýsyna alǵashqy taǵaiyndalǵan basshylarǵa arnalǵan qaita daiarlaý kýrsynan ótti. 2016 jyldyń qarashasynan Nur-Múbarak Egipet islam mádenieti ýniversitetiniń PhD doktoranty. Qyzmet jolyn 2006-2008 jyldar aralyǵynda Astana qalasyndaǵy Prezidenttik mádeniet ortalyǵynda ǵylymi qyzmetker bolyp bastady. 2008-2010 jj. Birikken Arab Ámirlikteriniń QR-daǵy elshiliginde Aýdarmashy, konsýldyq ister mamany; 2009-2010 jj. L.N.Gýmilev atyndaǵy Evraziia ulttyq ýniversiteti, filosofiia kafedrasynda oqytýshy; 2010-2012 jj. «Qaýam Addin ál-Itqani ál-Farabi Attúrkistani» respýblikalyq qarilar daiyndaý ortalyǵynda Direktordyń orynbasary; 2011-2013 jj. L.N.Gýmilev atyndaǵy Evraziia ulttyq ýniversiteti, filosofiia kafedrasynda oqytýshy; 2012 jyldyń qańtar-sáýir aralaǵynda QR Din isteri agenttigi «Din máseleleri jóninde ǵylymi-zertteý jáne taldaý ortalyǵynda» Jetekshi ǵylymi qyzmetker; 2012-2013 jj. QR Din isteri agenttigi, Islamdyq dini birlestiktermen bailanystar jónindegi basqarmasynda Bas sarapshy; 03.2013-07.2013 QR Din isteri agenttiginiń Atyraý oblysyndaǵy Din isteri departamentinde direktordyń m.a.; 09.2013-01.2014 H. Dosmuhamedov atyndaǵy Atyraý memlekettik ýniversitetinde oqytýshy, 2013-2016 jj. Atyraý oblysy Din isteri basqarmasynyń basshysy; 2016 jyldan bastap Nur-Múbarak Egipet islam mádenieti ýniversiteti aǵa oqytýshy qyzmetterin atqardy.«Nurbek Esmaǵanbet elimizdiń rýhani qalasy Almatynyń bas imamy qyzmetin 5 jyl atqardy. Osy aralyqta júzege asyrǵan tyń bastamalary men atqarǵan sharalary da aýyz toltyryp aitarlyqtai. Onyń dini salada tájiribesi mol. Bilimi men biliktiligin eskerip, QMDB Din isteri jáne taldaý bóliminiń qyzmetine taǵaiyndadym. Bul laýazymdy qyzmetti joǵary deńgeide atqarady dep senemin», - dedi Bas múfti Serikbai qajy Oraz.
