Foto: depositphotos.com
Almaty ákiminiń orynbasary Arman Qyryqbaev qazir stýdentter turyp jatqan qalalyq jataqhanalardaǵy oryn tapshylyǵy jáne olardy ornalastyrý máselesi qalai sheshilip jatqanyn aitty, - dep habarlaidy Tengrinews.kz saity.
Qyryqbaevtyń málimetinshe, qalada 199 myń stýdent oqidy, onyń 124 myńy - basqa óńirden. Jataqhanalarda turýǵa 60 myńnan asa stýdent ótinim bergen, onyń 33,5 myńnan astamy jumys istep turǵan jataqhanalarǵa ornalastyryldy, iaǵni 50 paiyzy. Qalǵandarynyń turýy úshin JOO-lar jeke jataqhanalar, qonaqúiler men stýdenttik hostelderdi tartyp, onda 10 myń adam ornalastyrylǵan. JOO-lar resmi tirkelgen 23 hostelmen óz stýdentteriniń turýy týraly memorandýmǵa qol qoiǵan, qazir olarda 3284 stýdent turady. Alaida keibir stýdentter basqa hostelderde, sonyń ishinde zańsyz hostelderde turǵan.
"Almatyda tek resmi derekter boiynsha 200-ge jýyq hostel bar, onyń 23-imen memorandýmdar jasalǵan. Iaǵni, hostelderdiń tek 10 paiyzy ǵana JOO-larmen jumys isteidi, olar boiynsha oqý oryndary tarapynan kem degende qandai da bir baqylaý týraly aitýǵa bolady. Bul rette, olar stýdentterine bul jerlerde turýǵa tek keńes beretindigi týraly aityp otyrmyz. Stýdentter kámeletke tolǵan azamattar jáne olar qalaǵan jerde turýǵa quqyly. Bul - halyqtyń óte mobildi sanaty. Adam jataqhanada nemese hostelde bir ai turady, sodan keiin basqa jerge kóshedi, óitkeni ol ýniversitetke jaqyn nemese dostary sonda turady. Nege stýdentter dál osy hostelde turǵanyn aitý qiyn (órt bolǵan jerde - esk.). Ondaǵy baǵa, negizinen, stýdentterge usynylatyn basqa jataqhanalarmen birdei boldy. Biz stýdentti bir jerde ómir súrýge mindettei almaimyz", - dedi qala ákiminiń orynbasary Arman Qyryqbaev.
Onyń aitýynsha, jataqhanalardaǵy jyl saiynǵy oryn tapshylyǵy shamamen 32-35 myń oryn bolady. Prezident bul máseleni sheshý mindetin qoidy. Osy maqsatta stýdenttik jataqhana qurylysynyń jobalyq keńsesi iske qosyldy.
