video kadry
Jelide Almatydaǵy jekemenshik mektepterdiń birinde oqýshylar men muǵalimniń teńiz shoshqasyn kesip, ish-qurylysyn aqtaryp jatqan videosy tarady. Bul oqiǵaǵa qatysty elordanyń bilim basqarmasy ókilderi túsinikteme berdi, - dep habarlaidy Tengrinews.kz saity.
Videoda teńiz shoshqasyn aldymen basynan uryp óltirilgeni, keiin skalpelmen ish-qurylysyn aqtaryp jatqany kórinedi. Video qaraǵanda, bul oqiǵa biologiia sabaǵynda ótip jatqan.
Astana bilim basqarmasy ókilderi bul oqiǵaǵa qatysty pikir bildirdi.
"Biyl 20 aqpanda QR Ákimshilik quqyqbuzýshylyq týraly kodekstiń 72-babyna sáikes Bilim berý sapasyn qamtamasyz etý departamenti men bilim basqarmasynyń qyzmetkerleri Almaty qalasyndaǵy "125 Almaty" JShS jeke mektebine áleýmettik jelide taraǵan videonyń mán-jaiyn anyqtaý maqsatynda bardy. Túsindirý barysynda bul oqiǵanyń 17 aqpanda Almatydaǵy jekemenshik mekteptiń 10-synybynda biologiia páninen qosymsha praktikalyq sabaqta bolǵany anyqtaldy. Muǵalimniń aitýynsha, ol stýdentterdiń qalaýy boiynsha teńiz shoshqasynyń ish-qurylysyn kórsetý maqsatynda "anatomiia jáne fiziologiia" bólimin qorytyndylaý maqsatynda praktikalyq sabaq ótkizgen. Mundai derekterdiń aldaǵy ýaqytta qaitalanbaýy úshin mektep ustazdarymen túsindirý jumystary júrgizildi", - delingen habarlamada.
Vedomstvo málimetinshe, mektep ákimshiligine qorshaǵan ortaǵa qurmetpen qaraýdy qalyptastyrý jáne janýarlarǵa qatygezdik kórsetýdiń aldyn alý boiynsha mektepishilik baqylaý men tárbie jumysyn kúsheitý boiynsha usynystar berildi. Biologiia pániniń muǵalimi óz erkimen jumystan ketti.
