Videodan alynǵan kadr
Almatydaǵy lai kóshkininen keiingi alǵashqy minýttyń videosy paida boldy. Beineni joǵalǵan otbasynyń qarama-qarsy turatyn kórshisi túsirgen, - dep habarlaidy «Ult aqparat» Tengrinews.kzke silteme jasap.
Videodan kóshkin túnde júrgenin kórýge bolady. Búkil aýla balshyqqa toly. Kórshiler úidiń qojaiyndaryna qońyraý shalýǵa tyrysqanymen, eshkim jaýap bermedi.
Nazar aýdaryńyz! Beinede balaǵat sózder bar.
Video avtory Erlannyń aitýynsha, ol kórshi úide turady.
"Bir dybys estildi, kún kúrkiredi me dep oiladym. Biraq kún kúrkireýi úshin tym erte boldy. Syrtqa shyqsam, kórshiniń bári qasha bastady. Artynsha lai kóshkini de júrdi", - dedi er adam.
"Barlyǵy júgirip shyǵyp, jinalyp, mektepke qarai bet aldy. Barlyq bala jinaldy. Sodan keiin órt sóndirýshiler, TJ jáne taǵy basqa qyzmetkerler shaqyryldy. Al kórshilerdiń úiin basyp qaldy. Qatarynan qyzmetter de kele bastady. Aldymen politsiia, sodan 15-20 minýttan keiin tótenshe jaǵdai departamentiniń qyzmetkerleri keldi. Olar jaǵdaidy kórip, it óńdeýshilerdi shaqyrdy, óitkeni ol úide tórt adamnan turatyn otbasy turatyn edi", - dep qosty ol.
