Áleýmettik jelide Almatyda adamdardy qasaqana qaqqan kólik oqiǵasyna qatysty taǵy bir videosy paida boldy, dep habarlaidy QazAqparat tilshisi.
Kýáger bul oqiǵany telefonǵa basqa qyrynan túsirip, jelide júktegen. Postta eki top tóbelesip jatqany týraly jazylady.
Esterińizge salaiyq, 26 tamyzda tańǵy saǵat 5-te Almaty qalasy Bostandyq aýdany Gagarin kóshesinde bolǵan qaqtyǵystan keiin bir taraptyń ókilderi óz qarsylastaryn avtomobilmen qaǵyp, qylmys ornynan boi tasalaǵan. Video áleýmettik jelide tarady.
Gagarin kóshesinde adamdardy qasaqana qaqqan kúdiktilerdiń biri 26 tamyz kúni keshke ustalǵan bolatyn. Ol - Almaty oblysy Eńbekshiqazaq aýdanynyń turǵyny, 1995 jyly týǵan A. esimdi azamat. Ol, QR Qylmystyq kodeksiniń 128-baby tártibinde ýaqytsha ustaý izoliatoryna qamaldy. Er adam qylmys jasaý kezinde aq tústi Toyota Camry markaly avtokóligin basqarǵan.
Adamdy qasaqana qaǵý isi boiynsha aiypturaǵyna qamalǵan avtokóliktiń memlekettik nómiri buǵan deiin de bir iske qatysy bar bolǵany anyqtaldy. Atap aitqanda, 2017 jyly dál osyndai memlekettik nómirli kólik mingen júrgizýshi esirtkige elitip kólik basqarǵany úshin ustalǵan.
Kúdiktilerdiń anasy Názira Álikeeva uldary mundai is áreketke ózderin qorǵaý úshin bardy dedi.
Politsiia adamdardy qaqqan kólikterdi taýyp tárkiledi. Eki kólikti aiǵaqzattar retinde QR QK-niń 24-baby 3-bóligi jáne 99-babynyń 2-bóligi boiynsha qozǵalǵan qylmystyq is materialdaryna tirkedi.
